Փաստ ինֆո

Իշխանությունն ԵՊՀ-ն քանդելու անհեթեթ արտահայտության հետ որևէ առնչություն չունի: Այս մասին այսօր ճեպազրույցում ասաց ԿԳՄՍՆ նախարար Վահրամ Դումանյանը:

«Ես կարող եմ պնդել, որ ամեն ինչ արվում է ոչ թե քանդելու, այլ՝ կառուցելու, զարգացնելու, առողջ մթնոլորտ ձևավորելու ուղղությամբ»,-ասաց Դումանյանը:

Հարցին, թե ինչո՞ւ ռեկտոր չեն կարողանում նշանակել, ո՞վ է իշխանության թեկնածուն, Վահրամ Դումանյանը արձագանքեց. «Ի՞նչ է նշանակում իշխանության թեկնածուն: Մենք նախընտրում ենք, որ գործող կարգի շրջանակում ընտրվի ռեկտոր և այս թեման փակվի: Այս հարցը վաղուց պետք է լուծված լիներ: Ցավք սրտի չի լուծվել, բայց գնում է դեպի լուծում եւ կլուծվի»:

Նախարարի խոսքով՝ իշխանությունն ուզում է, որ ԵՊՀ-ում թարմություն մտնի, նոր խորհուրդ ձևավորվի, որն ավելի գործուն և արդյունավետ կլինի:

Դիտարկմանը՝ որ իշխանությունը փորձում է վերահսկելի դարձնել ԵՊՀ-ն, նախարարն ասաց. «ԵՊՀ-ն պետության կողմից հիմնադրված բուհ է, դա ինչ-որ մեկի անձնական սեփականությունը չէ: Դա ազգային արժեք է»,-ասաց նա:

Աղբյուր` Փաստինֆո