Փաստ ինֆո

Երեկ Սյունիքում սկսված գործողությունները որևէ աղերս չունեն իրավաբանության հետ, դրանք ծաղր են քրեական իրավունքի նկատմամբ: Այս մասին լրագրողների հետ ճեպազրույցում ասաց փաստաբան Ռոբերտ Հայրապետյանը:

Անդրադառնալով Մեղրիի համայնքապետ Մխիթար Զաքարյանի դեմ հարուցված քրեական գործին՝ փաստաբանն ասաց, որ չգիտի՝ վերջինս ի՞նչ կարգավիճակով է հրավիրվել ՔԿ.

«Կա տեղեկություն, որ խուլիգանության հոդվածով քրեական գործ են հարուցել Մխիթար Զաքարյանի նկատմամբ, այն պարագայում, երբ տեսանյութերը դետալացված ցույց են տալիս, որ Մխիթար Զաքարյանն ընդամենը դուրս է եկել փողոց և փորձել է հանդարտեցնել համայնքի բնակչությանը: Անտրամաբանական է Մխիթար Զաքարյանին բերել ՔԿ և փորձել խուլիգանության հոդված բարդել վրան, այն պարագայում, որ որևէ մեկի հասցեին թթու խոսք անգամ չի ասել»,-ասաց Հայրապետյանը:

Փաստաբանն արձանագրեց, որ երեկ Սյունիքի մարզպետարանում խորհրդակցության ընթացքում Փաշինյանն բացահայտ հանձնարարել է ԱԱԾ պետին, ոստիկանության պետին անհապաղ ձեռնարկել միջոցառումներ իր այցի դեմ ակցիա իրականացնող սյունեցիների նկատմամբ:

Աղբյուր` Փաստինֆո