Փաստ ինֆո

«Սյունիքում տեղի ունեցածը, Նիկոլ Փաշինյանի հրահրմամբ, փորձ է արվում քաղաքացիների անհնազանդութունը ներկայացնել որպես հանցագործություն և դրա շրջանակներում փորձ է արվում սերմանել վախի մթնոլորտ»,- Քննչական կոմիտեի շենքի մոտ՝ ի աջակցութուն բերման ենթարկված սյունեցիների, ակցիայի ժամանակ ասաց ՀՅԴ անդամ Արծվիկ Մինասյանը։

ՀՅԴ անդամը նշեց, որ Նիկոլ Փաշինյանը և նրա վարչակազմը ակնհայտորեն դրդում և ստեղծում են հանրային տրամադրություններ, ստեղծում քրեածին իրավիճակներ՝ իրենց հետ ներքաշում են նաև ողջ իրավապահ մարմիններին։

Մինասանը հիշեցրեց, որ վաղուց են արձանագրել՝ իրավապահ մարմինները, որոնք անտարբերություն են ցուցաբերել այն առանձնապես ծանր հանցագործությունների համար, որ թույլ է տվել իշխանությունը՝ վարչապետի գլխավորությամբ, չի հարուցվել քրեական գործեր դավաճանությունից սկսած մինչև Հայաստանի և Արցախի նկատմամբ ագրեսիվ պատերազմ սկսելու գործողություններով։

«Դա բերելու էր նրան, որ հանրության մոտ առաջանալու էր ինքնապաշտպանական բնազդը և դրա շրջանակերում, այն անձինք, ովքեր որ գիտակցում ու հասկանում էին ինչ է կատարվում երկրում, նրանք իրենց անհնազանդությունը ցուցաբերելու էին։ Այն, ինչ տեղի ունեցավ Սյունիքում, ակնհայտորեն Նիկոլ Փաշինյանի հրահրմամբ, դրդմամբ և սադրանքի միջոցով քաղաքացիների անհնազանդութունը փորձել ներկայացնել որպես հանցագործություն և դրա շրջանակներում փորձել սերմանել վախի մթնոլորտ։ Ըստ էության, պետական ահաբեկչական ակտ է իրականացնում Նիկոլ Փաշինյանը, որին պետք է դիմադրի ողջ հայ ժողովուրդը»։

Մինասյանը նշեց՝ եթե իրավապահ մարմինները հլու հնազանդ ենթարկվում են գործադիր իշխանության ղեկավարին այն դեպքում, երբ պետք է գործեն օրենքին համապատասխան և կախվածության մեջ չլինեն, պարտավոր էին հարուցված քրեական գործերի շրջանակներում ներգրավվել առաջին հերթին Նիկոլ Փաշինյանին և այն մարդկանց, ովքեր կազմակերպել և իրականացրել են այցը։ Թե ի՞նչ նպատակ էր հետապնդում Փաշինյանի այցը Սյունիք՝ առանց տեղական իշխանության ներկայացուցիչներին ծանուցելու, Մինասանը երկու վարկած նշեց.

«Եթե սովորական այց է, գնում ես շփվես քաղաքացիների հետ, դա այլ բան է։ Եթե գնում ես իրականացնելու դավադիր մի ծրագիր, որի մասին բոլորը բարձրաձայնում են ու խոսում դրա մասին, իսկ դու պատշաճ չես համարում տեղեկացնել, ներկայացնել քո մոտեցումները, պարզապես գնում և հրահրում ես, մեկ անգամ ապացուցում ես, որ դու դավաճան ես և բնական է, որ քաղաքացիների ընդվզում պետք է լինի»,- եզրափակեց Մինասյանը։

Աղբյուր` Փաստինֆո