Փաստ ինֆո

Սյունեցիներն այսօր իրենց մաշկի վրա զգում են այս իշխանության գործունեության բոլոր հետևանքները։ Ամեն սյունեցի ամեն օր այդ վտանգը տեսնում է, զգում է և նրանք ունեն այդ իրավունքը՝ վարչապետի աթոռը զբաղեցրած անձին վռնդելու Սյունիքից։ Այդ գնահատման հարցում իրենք միանշանակ ճիշտ են, որ սա չարիք է և Սյունիքում, Հայաստանում անելիք չունի։ Այս մասին լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը։ 

«Այդ ֆոնի վրա Ալիևն անում է հայտարարություններ, կրկին խոսում է Մեղրիի միջանցքի մասին, Զանգեզուրը վերցնելու մասին, սրանք գոնե պատասխանեն Ալևին, Ադրբեջանի իշխանություններից, այդ մուռը հանում են սյունեցիներից։ Այսօրվա ՔԿ-ի, ԱԱԾ-ի գործողությունները սյունեցիների նկատմամբ, այդ բռնությունները, որ կիրառվում էր քննչական բաժնում՝ խայտառակություն է։ Սրան մեր ժողովուրդը, հասարակությունը պետք է համապատասխան վերաբերմունք ցույց տա»,- նշեց նա։

Նրա խոսքով՝ անցնող երեք տարիների ընթացքում բանակի գեներալիտետի, բանակի, բազմաթիվ անհատների նկատմամբ հետապնդումներ են իրականացվել, թուլացրել են բանակը և պատերազմում տարան պարտության, հիմա էլ նույնն անում են Սյունիքում։

«Եթե այսօրվա Սյունիքի շատ կարևոր առանցքային դեմքերին, համայնքի ղեկավարներին, ակտիվիստներին, նրանք, որոնք ցույց տվեցին պատերազմի օրերին, որ իրենց կյանքը կարող են դնել հանուն հայրենիքի և այդ մարդկանց մեկուսացնում են, ձերբակալում են, կալանավորում են, չի բացառվում, որ սրանից հետո էլ Մեղրու միջանցք զիջեն, տարբեր երկաթուղու տակ Սյունիքը զիջեն»,- նշեց նա։

Աղբյուր` Փաստինֆո