Փաստ ինֆո

Այս պահին կառավարական ամառանոցների մոտ իրավիճակը լարված է: Ոստիկանությունը բիրտ ուժի գործադրմամբ փորձում է ցրել բողոքի ակցիայի մասնակիցներին, ոմանց նաեւ բերման ենթարկում։

Քաղաքացիները հավկիթներ են նետում ամառանոցի ուղղությամբ, որտեղ ոստիկանական մեծ ուժեր են կուտակվել։

Գեղամ Մանուկյանը դիմելով ոստիկաններին` հայտարարեց, որ պաշտպանում են մի մարդու, ով ոտնատակ է տվել հայի ամենակարեւոր ձգտումներից մեկը:

«Նա մուտք է գործել շուռնուխցու տուն առանց այդ մարդկանց համաձայնության, հիշեք ինչ սրրբություն է ոտնատակ տվել այդ մարդը, որին դուք պաշտպանում եք: Վստահ կասեմ, որ նա ամեն օր է այսպես տեղաշարժվելու»,-ասաց նա:

Նշենք, որ չնայած ակցիայի մասնակիցները փակել էին դաչաների մուտքը, սակայն Փաշինյանը շրջանցել է կառավարական առանձնատան գլխավոր մուտքը եւ այլ մուտքով տուն հասել: Այս մասին կառավարական առանձնատան մոտ ակցիայի վայրից հայտարարեց ՀՅԴ-ական Գեղամ Մանուկյանը:

Ակցիայի մասնակիցները կառավարական առանձնատան մուտքի մոտ թողեցին իրենց հետ բերած հավկիթները, որոնք պետք է շպրտեին Փաշինյանի ավտոշարասյան ուղղությամբ:

«Այս հավկիթները բերել էինք այլ բանի համար, բայց թող մնան այստեղ` որպես հիշատակ»,-ասացին նրանք:

Աղբյուր` Փաստինֆո