Փաստ ինֆո

Այսօր Նիկոլ Փաշինյանը փորձելու է սյունեցիներից վրեժ լուծել ու այս պահին Սյունիքում ոստիկանական նոր ուժեր է կուտակում։ Այս մասին կառավարական ամառանոցների մոտ բողոքի ակցիայի ժամանակ ասաց ՀՅԴ անգամ Գեղամ Մանուկյանը:

Ինչպես արդեն տեղեկացրել ենք՝ այս պահին երեւանցիները շրջափակել են կառավարական առանձնատների մուտքերը՝ ի համերաշխություն սյունեցիների՝ փորձելով Փաշինյանին դիմավորել այնպես, ինչպես սյունեցիները դիմավորեցին վերջինիս՝ Սյունիքում։

«Սյունիքը և սյունեցին այսօր պահեցին մեր երկրի պատիվը, յուրաքանչյուր քաղաքացու պատիվը»,- ընդգծել է Գեղամ Մանուկյանը ու ավելացրել, որ կառավարության առանձնատան մուտքերը փակ են:

«Նա ինչպես ամիսներ շարունակ գաղտագողի փորձում էր մուտք գործել Ազգային Ժողով, Կառավարության շենք և նախարարություններ, այսօր ևս փորձելու է գաղտագողի մուտք գործել ամառանոց, բայց դա նրան չի հաջողվելու: Այսօր, Հայաստանի հարավում այն Սյունիքը, որը երկու տասնամյակից ավել, շուրջ 30 տարի խաղաղ ապրում էր, դիմավորեց այն մարդուն, որը իր քաղաքականությամբ թուրքին բերել և հասցրել է Սյունիքի դարպասների մոտ: Նա զիջել է Հայաստանի մայրուղիներից մեկի կարևորագույն հատվածը:

Այսօր սյունեցին եկավ նրա երեսին ասելու այն խոսքերը, որոնք մեր քաղաքացիներից շատերը դժվար թե օգտագործեին: Բայց նա այնքան աներես է, որ կարողանում էր ոստիկաններով շրջապատված այդ հայհոյանքների և անեծքների տակ պինդ երեսով շարունակել քայլել: Մինչև մի պահ չդիմացավ և փախուստի դիմեց: Որովհետև այն թատրոնը, որը նա բեմադրում էր Հայաստանի տարբեր մարզերում, Սյունիքում չէր հաջողվել: Բայց իր վրեժխնդրությամբ նա հանգիստ չի տալու, նա փորձելու է վրեժ լուծել: Նա չպետք է տեղ ունենա մեր հայրենի հողում, այն հողում, որի մի մասը նա զիջեց թուրքին», - շեշտեց Մանուկյանը:

Նրա խոսքերով՝ Փաշինյանը վախեցած փորձում է դատախազությունից, ԱԱԾ-ից զեկույց պահանջել, թե ինչ են արել սյունեցուց վրեժ լուծելու համար: Սակայն նա վախեցավ իր քաղաքակիրթ ընկեր Ալիևին մի թթու խոսք ասելուց: «Նա և իր ուսապարկերը լսում են ամեն օր նվաստացում: Բայց մեր ժողովուրդը լարելու է նրանց, որովհետև նրանք հողատու են, հանձնել են Արցախը, հանձնել են ազատագրված տարածքները», - շեշտեց Մանուկյանը:

Աղբյուր` Փաստինֆո