Փաստ ինֆո

Նիկոլ Փաշինյանը Սյունիք էր գնացել, որպեսզի հրաժարվի ԱԺ արտահերթ ընտրություններ անցկացնելու ծրագրից։ Կառավարական առանձնատների մոտ տեղի ունեցած ակցիայի ժամանակ հայտարարել է Սյունիքի նախկին մարզպետ, «Վերածնվող Հայաստան» կուսակցության հիմնադիր նախագահ Վահե Հակոբյանը։

Ըստ նրա՝ այս պահին ավելի քան երկու հազար ոստիկան, նաև հատուկ ջոկատայիններ են կուտակվել Սյունիքում,որտեղ դեռ շարունակում է մնալ Տարածքային կառավարման ու ենթակառուցվածքների նախարար Սուրեն Պապիկյանը։

«Պապիկյանը հիմա այլ քաղաքականություն է որդեգրել, հրավիրում է մարդկանց, հարցնում, թե ի՞նչ է պետք, հող, գործ, աշխատանք, ասում է՝ ունես դա։ Ես ենթադրում եմ, եթե ընտրություններ լինեն, ինչում ես արդեն կասկածում եմ, սա է լինելու իրենց ձեռագիրը»,-լրագրողների հետ զրույցում ասել է Վահե Հակոբյանը։

«Ես կարծում եմ, որ ռեպրեսիոն առաջին գործողությունները լինելու են Ագարակում և Մեղրիում։ Այս պահին բերման ենթարկվածների, խուզարկությունների ու այլ գործողությունների մասին տեղեկություններ չունեմ, համոզված եմ, որ նման բան լինի, կիմանամ»,-նշեց նա։

Աղբյուր` Փաստինֆո