Փաստ ինֆո

Այսօր կառավարությունը մարդկանց դիակներ է տալիս, որոնք մեր երեխեքինը չեն։ Թող տղայիս բերեն տան ինձ, երեխուս տան մեզ։ Բոլոր ծնողներին խաբում են՝ մեկին մի բանով է խաբում, մյուսին՝ ուրիշ։ Թող մեր երեխեքին բերեն տան մեզ, հերիք եղավ բոլ եղավ։ Այս մասին լրագրողների հետ զրույցում ասաց անհետ կորած զինծառայողների հարազատներից մեկը։ 

Փաշինյանը վաղն է ընդունում, Փաշինյանը հեսա կընդունի... երեխուս եմ ուզում, ոնց տվել եմ, բերեն տան ինձ իմ երեխուն։ Չբերեն՝ ես իրենց ահ ու սարսափն եմ դառնալու, իրենց ամեն ինչի վրայով անցնելու եմ։ Իրանց երեխեքն իմ երեխեքից թանկ չեն, իրենց երեխու արյունն իմ երեխու արյունից թանկ չէ»,- նշեց նա՝ հավելելով, որ ծնողներին անգամ չեն թողնում կառավարություն գալ.

«Բա դու ով ես, արա, ինչի համար ես էստեղ։ Որ մարդկանց գլխի տակ բերես փափուկ բարձ դնես»։

Քաղաքացու արդարացի պահանջը մեկն է. հանդիպել վարչապետի հետ և քննարկել իրենց երեխաների ճակատագրի հարցը։  

«Թող երեխաներին բերեն և թող որևէ մեկը չհամարձակվի մարդ ուղարկել, ես Աստծուց բացի որևէ մեկից չի վախենում։ Ես չեմ տեսել։ Խաբել են։ Զանգում են՝ ասում են Ձեր երեխան է, եկեք տարեք։ Մենք տե՞նց ենք ձեզ երեխա տվել։ Արդեն սարքեցին ինձ իրենց թշամի։ Մի օր շուտ պետք է բերեն մեր երեխեքին տան,ազգովի զբաղվելու ենք իրենցով։ Ընտրություններ է լինելու, որտեղ գնան՝ ծնողներով էնտեղ ենք լինելու։ Իր կողքի թուրքերն են մեր երեխեքի գլուխը կերել։ Ծնողը գա, ասեն՝ ժամանակ չունեն։ Ժամանակ ունե՞ս գնում ես Ծաղկաձոր, ես էլ ուզում իմ երեխու հետ գնամ»,- նշեց նա՝ հավելելով, որ եթե իրեն չեն ընդունում, ապա ու՞մ պետք է ընդունեն։

Ծնողը վստահեցրեց, որ եթե իրենց հարցով կառավարությունը զբաղվի, ապա ստիպված դիմելու է ծայրահեղ քայլերի։ 

«Իրենք չգան, պատասխան չտան՝ ես իրենցով զբաղվելու եմ»,- նշեց նա։

Աղբյուր` Փաստինֆո