Փաստ ինֆո

Որպեսզի ժողովուրդը ընտրի քեզ, դու պետք է լինես փողոցի մարդու նման, Փաշինյանը ուներ այդ հատկանիշը, սակայն արդեն կորցրել է: Այս մասին մամուլի ասուլիսի ժամանակ հայտարարեց քաղաքագետ Անդրանիկ Միհրանյանը:

«Ես կարծում եմ, որ Փաշինյանի հիվանդագին վիճակը խորանում է, նա հոգեպես խանգարված մարդու տպավորություն է թողնում, նա հոգեբանի կարիք ունի։ Դա արդեն վտանգավոր է շրջապատի համար։ Ես կարծում եմ, որ  Ազգային ժողովում Փաշինյանի կողմնակիղները իրեն ծափահարել են բեմադրված»,- ասաց նա:

Միհրանյանի համոզմամբ, Քոչարյանի սթափությունը կարող է գրավել իր ընտրողին, քանի որ նա  չի ցանկանում խաբել ոչ իրեն, ոչ մյուսներին: 

«Մի քանի տարի առաջ Փաշինյանը քայլեց Գյումրիից մինջև Երևան, և այդ ժամանակ ամբողջ Հայաստանը համախմբվեց իր շուրջը: Սակայն հետո պարզվեց, որ նա փրկիչ չէ, նա կործանում է ամեն ինչ: Իսկ Քոչարյանն ասում է, որ ավելի լավ է իր ընտրողները լինեն քիչ, բայց նվիրված մարդիկ։  Քոչարյանի լիդերական հատկանիշները կրկին պետք է ի հայտ գան, նա կարողանում է լավ արտահայտվել և բացատրել իր մտքերը: Սակայն ես կարծում եմ, որ Քոչարյանը պետք է ցույց տա, որ կարող է դիմել ոչ միայն ժողովրդի փոքր մասային, այլ նաև  մեծ հանրությանը»,-համոզված է քաղաքագետը:

Ըստ նրա, հասարակության և այդ քաղաքական գործչի միջև միջանկյալ օղակներ պետք չեն, նա ուղիղ կարող է դիմել հանրությանը և շահել նրա համակրանքը։  

«Ես կարծում եմ, որ որոշ կուսակցություններ այսօր կարող են Քոչարյանի համար բեռ լինել: Մենք տեսել ենք, որ Ծառուկյանը ցույց է տալիս իր հարստությունը և դա ժողովրդի մեջ ոչ թե հրապուրանք է ստեղծում, այլ հակակրանք: Նրա վերջին քայլը ` հակաքաղաքական քայլ էր»,- նկատեց Միհրանյանը:

Աղբյուր` Փաստինֆո