Փաստ ինֆո

Պալատական հեղաշրջում չեն կարող անել։ Եթե որոշ քաղաքական ուժեր, շրջանակներ կրկին ցանկանան, որ ժողովրդին չհասնի ընտրությունը, դրան էլ հեշտ լուծում կա՝ խորհրդարանական մեծամասնությունն ինձ նորից կընտրի վարչապետ և թեման կփակվի։ Այս մասին Վայոց ձորի մարզ կատարած այցի ժամանակ ասաց Նիկոլ Փաշինյանը։
Փաշինյանը նշեց, թե 2021թ հունիսի 20-ին Հայաստանում իրականացնում են արտահերթ խորհրդարանական ընտրություններ մի նպատակով՝ ժողովրդից ստացված իշխանությունը վերադարձնում են ժողովրդին, որոնք պետք է որոշեն՝ հետո ում վերադարձնեն, ում պատվիրակեն այդ իշխանությունը, բայց Հայաստանում ժողովրդի իշխանությունը պետք է լինի անառարկելի։

«Ում պետք է Ձեր կարծիքով պետք է այս պահին դատած լինեինք, չենք կարողացել դատել, հունիսի 20-ին դուք կկարողանաք դատել, այդ հնարավորությունն ունեք։ Դուք մեզ էլ դատելու հնարավորությունն ունեք, որովհետև դուք եք բարձրագույն իշխանությունը։ Այո, այդ դատը հունիսին տեղի է ունենալու»,- նշեց նա՝ հավելելով, որ ապրիլի վերջին տասնօրյակում հրաժարական է տալու, որից հետո Խորհրդարանը երկու անգամ վարչապետ չի ընտրելու, ԱԺ-ն համարվելու է լուծարված և տեղի են ունենալու արտահերթ խորհրդարանական ընտրություններ և ըստ պայմանավորվածության՝ խորհրդային ընդդիմադիր խմբակցությունները և խմբակցությունների ներկայացուցիչներն այդ ընթացքում վարչապետի թեկնածու չեն առաջադրելու։

«Երկու անգամ ուղղակի ընթացակարգերը պահելու համար նորից կառաջադրվեմ վարչապետի թեկնածու, բայց մյուս ուժերը պետք է թեկնածու չառաջադրեն»,- նշեց նա։

Մանրամասները՝ տեսանյութում

Աղբյուր` Փաստինֆո