Փաստ ինֆո

Ալիևի մոտ հոգեխանգարման երևույթներ են զգացվում, այլ վերլուծություններ տալ չեմ կարող, բայց Ալիևը պետք է իմանա մի բան, որ այդպիսի դաստիարակություն ներարկելով իր հանրությանը՝ դա կարճ ժամանակահատվածում ուղղվելու էր իր դեմ։ Այդ գազազած ամբոխը, որին գազազացնում և կենդանական մակարդակի է հասցնում, առաջինը հենց իր հետ է հաշվերահրդար լինելու։ Վստահ եմ, որ Ալիևի նկատմամբ հաշվեհարդար են տեսնելու իր իսկ բնակիչները՝ իր իսկ դաստիարակած ոճի մեջ։ Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Արմեն Խաչատրյանը։ 

Ինչ վերաբերում է Ալիևի ռազմատենչ հայտարարություններին, պետական մակարդակով հայատյացության քարոզչությանը և ճանապարհների ապաշրջափակման մասին հայտարարություններին, Խաչատրյանը նշեց, որ Հայաստանի համար ճանապարհների ապաշրջափակումը կարևորագույն հարց է, դա միանշանակ է և այն, որ ճանապարհների ապաշրջափակումից հետո տնտեսության մեջ զգալի փոփոխություններ կլինեն, այլ հեռանկարներ կլինեն՝ ևս միանշանակ է, բայց ապաշրջափակման վերաբերյալ այն պատկերացումները, որն ունի Ալիևը, մեծամասամբ մեզ համար անընդունելի են։

Վերջինս պնդեց, որ չի կարող լինել Սյունիքի մարզով միջանցքի տրամադրում՝ Ադրբեջանին, բազմաթիվ ճանապարհներ կան, որոնք հնարավոր է ապաշրջափակել՝ Ադրբեջան-Նախիջևան կապն ապահովելով։

Աղբյուր` Փաստինֆո