Փաստ ինֆո

Փաշինյանը Արցախից անտեղյակ է։ Նա չի տարբերակում Արցախի հարավն ու արևելքը։ Ավելին, չգիտի նաեւ, թե երբ է սկսել պատերազմը։ Իրականում սույն փաստն ավելի ակնհայտ արտահայտվեց այն օրը, երբ վերջինս ԱԺ ամբիոնից անդրադառնալով հայոց հրաշալիքներից մեկին՝ Շուշիին, տգետ իշխանավորի իր դժբախտ ու դժգույն մտքերը հայտնեց։

Արցախի քարտեզից անտեղյակ այս անձը մինչև իր պատգամավոր դառնալն Արցախում չեղած, ապրիլյան պատերազմին էլ մայիսի վերջին մասնակցած, իսկ արցախյան վերջին պատերազմին ընդամենը Ստեփանակերտի բունկերից հետևած լինելով ամեն բան խառնում է։ Պարզորոշ է՝ անգամ լսելով գեներալների հաղորդումներն արցախյան այս կամ այն ճակատում ընթացող գործողությունների մասին, չի կողմնորոշվել՝ որտեղ՝ ինչ իրավիճակ է եղել։

Այդ մասին է վկայում օրերս ԱԺ ամբիոնից հնչած՝ նրա ցուցադրական ելույթը, երբ իր խելքով՝ ԳՇ նախկին պետ Օնիկ Գասպարյանին մեղադրում էր՝ թե վերջինս անվտանգության խորհրդի նիստում ասել է՝ «արևելքում մենք մենք ջախջախիչ հակահարված կտանք, կջաջախենք թշնամուն»։ Եվ ի՞նչ։ Ի՞նչ է ուզում սրանով ասել կապիտուլյանտը։ Ի վերջո, Օնիկը ճիշտ է՝ մենք արևելքում հաղթել ենք, պարտության մատնել թշնամուն։ Իսկ այ, հարավում՝ Ջաբրայիլի հայտնի բարձունք՝ Լելե-Թեփեի գործողության ժամանակ՝ պարտվել ենք՝ հարյուրավոր զոհեր տալով․․․ Այս փաստին երեկ իր ՖԲ էջում անդրադարձել է նաև ՀԵՏՔ-ի խմբագիր Էդիկ Բաղդասարյանը՝ կոնկրետ օրինակներ բերելով, իրողություններ հիշատակելով․․․

Ի՞նչ է, սա չգիտի կապիտուլյանտը, հարավն ու արևելքը չի տարբերու՞մ, թե՞ այնուամենայնիվ, իրեն «շլանգի» տեղ է դնում՝ այդպիսով փորձելով ժողովրդի ուշադրությունը Լելե-թեփեից, այսինքն, իր և իր ընտանիքի անդամի խելահեղ- մահաբեր հրահանգով իրականացված և խայտառակ կերպով բանակը պարտության մատնած գործողությունից շեղի։

Արդյո՞ք այս պատճառով չէ, որ նա դեմոնստրացիոն հայտարարություններ է անում՝ բոլորի ուշադրությունը փորձելով սևեռել դեպի Օնիկ Գասպարյան։ Այս համատեքստում էլ հարկ է դիտարկել նրա տենդենցիոզ գաղտնազերծումները՝ անվտանգության խորհրդի արձանագրությունների հրապարակումը։

Բայց․․․ Փաշինյանի՝ պետական մակարդակով իրականացված մանիպուլյացիան այս անգամ չստացվեց, քանզի իր ուսապարկերից և զոմբիներից զատ՝ ողջ հայության համար Արցախի հարավն ու արևելքը, հյուսիսն ու արևմուտքը հստակ զանազանելի են։ Այդպես է, քանզի ժողովրդի զավակներն են ծառայել Արցախի չորս կողմերում։ Կռվել ու պայքարել։
Ի դեպ, ուշագրավ մի փաստ ևս շեշտենք՝ արևելյան ուղղության անառիկության վերաբերյալ Օնիկ Գասպարյանի անդրադարձը եղել է նախքան պատերազմը՝ Անվտանգության խորհրդի 2020 թվականի օգոստոսի 21-ի նիստում, հետեւապես այդ գնահատականը չէր կարող որեւէ կերպ վերաբերել 44 օրյա պատերազմին, քանի որ, ի գիտություն նիկոլ Փաշինյանի, ադրբեջանաթուրքական տանդեմը Արցախի դեմ լայնածավալ պատերազմը սկսել է 2020 թվականի սեպտեմբերի 27-ին։

Ընդհանուր առմամբ՝ այսպես կոչված՝ «գաղտնազերծումը» ոչ այլ ինչ է, քան տարբեր ժամանակահատվածների տեքստերից ընդ որում, նաև՝ մինչ պատերազմը միմյանց կցած-կցմցած մտքեր, որոնց կարկատվածությունը զգացվում է։

Աղբյուր` Փաստինֆո