Փաստ ինֆո

ՀՀ էկոնոմիկայի նախարար Վահան Քերոբյանը կառավարության նիստում ներկայացրեց «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում փոփոխություններ կատարելու մասին» օրենքի նախագիծը, որով առաջարկվում է հունվարի 2-ը, 3-ը, 4-ը, 5-ը և 7-ը աշխատանքային օրեր սահմանել, որով կկայանա ՀՀ ուժեղ տնտեսությունը։

«Այն կարգավորումները, որ մենք ունենք այսօր ՀՀ տնտեսական կյանքից ջնջում են 10 օր, որի ընթացքում խրախճանքի տասնօրյակ է մեր երկրում հայտարարվում։ Այսօրվա Հայաստանը ՀՀ ապագայով հետաքրքված յուրաքանչյուր քաղաքացի, գործարարները, բիզնեսը ամբողջ տնտեսութունը չեն կարող թույլ տալ նման շռայլություն և մենք պարտավոր ենք մեր վերաբերմունքը փոխել Հայաստանը կերտելու մեր մոտեցումներով»։

Ըստ Նախարարի՝ համախառն ներքին արդյունքի ծավալը կավելանա 88․6 մլրդ դրամով, համախառն թողարկման ծավալը կավելանա 123 մլրդ դրամով, որից առևտրրի թողարկումը կավելանա 47․5 մլրդ դրամով, արդյունաբերության թողարկումը կավելանա 35․4 մլրդ դրամով, ծառայությունների թողարկման ծավալը կավելանա 33․9 մլրդ դրամով, գյուղատնտեսության և շինարարության թողարկման ծավալները կավելանան համապատասխանաբար 3.5 և 2.9 մլրդ դրամով։

Նախարարն ընդգծեց, որ սրանք այն թվերն են, որպեսզի մենք կարողանանք այս օրերին չաշխատելուց հրաժարվել։ Նախարարը չմոռացավ նաև նշել, որ կարևոր է աշխատողների իրավունքների պաշտպանությունը։

«Ցանկացած աշխատող պետք է կարողանա աշխատել արդյունավետ և հանգստանալ այնքան օր, որքանով վերապահված է ՀՀ օրենքներով և վճարվի համապատասխանաբար։ Ցանկացած հայ պետք է մտածի ամեն օր ավելի բարձր տնտեսական արժեք ստեղծելու մասին»։

Վարչապետն էլ առաջարկեց խուճապի չմատնվել առաջարկից, թեման վաղուց էր հասունացել, մի տարբերությամբ, որ թեման քննարվում է դեկտեմբերի կեսից։

«Հիմա մենք առաջարկում ենք այսօրվանից այս թեման քննարկենք որպես կոնկրետ նախագիծ, հասկանանք՝ ինչ հանրային համաձայնություն կարող ենք ձևավորել։ Նուրբ ու կարևոր հարց է։ Սա կապված է նաև առողջապահական հարցերով։ Պետք է խորը ուսումնասիրել՝ մարդիկ այս օրերին իրականում հանգստանում են, թե ձեռք են բերում նորանոր առողջական պրոբլեմներ։ Հարցը պարզ չէ, բազմաթիվ շերտեր կան՝ սկսած ավանդույթից մինչև գործնական կիրառում»։ Փաշինյանի խոսքով՝ նախագիծը պետք է ընթերցումներ անցի Ազգային ժողովում։

«Սա եկեք ընդունենք ոչ թե վերջնական քաղաքական որոշում, այլ՝ ավելի շատ առաջարկ, որն ավում է հանրությանը, մեզ բոլորիս»։

Աշխատանքի և սոցիալական հարցերի նախարար Մեսրոպ Առաքելյանը նշեց, որ դեմ են նախագծին, քանի որ աշխատանքային օրենսգրքով քաղաքացիներին հանգստի իրավունք է տրվում և հինգ աշխատանքային օրերի կրճատումով նվազեցվում է քաղաքացիների հանգստի օրերը։ Նախարարն առաջարկեց հինգ աշխատանքային օրերը կրճատելու փոխարեն կրճատել հունվարի 4-7-ը՝ հաշվի առնելով որ ՀՀ-ում նշվում է նաև սուրբ ծննդյան տոները։

Վարչապետը բացասական կարծիքներ լսելուց հետո առաջարկեց քվեարկություն նախագծի օգտին, բայց հետո քննարկումներ իրականացնել ու ոչինչ հետագայում չի խանգարի հետ կանչել կամ չեղյալ համարել որոշումը։

Աղբյուր` Փաստինֆո