Փաստ ինֆո

Ադրբեջանի նախագահ Իլհամ Ալիեւը հայտարարել է, որ որոշ արտասահմանյան մայրաքաղաքներում ծրագիր էր մշակվում իրեն տապալելու հետ կապված:

«Իմ դեմ եղել են պետական հեղաշրջման փորձեր։ 2003 - ին «Ժողովրդական ճակատ-Մուսավաթ» խմբակցությունը Ազադլիգ հրապարակում ցանկանում էր ռազմական հեղաշրջում կազմակերպել, սակայն այն չիրականացվեց, և ժողովուրդը չաջակցեց նրան։ 2005 թվականին նրանք ցանկանում էին Ադրբեջանում «նարնջագույն հեղափոխություն» կազմակերպել։ Նրանց վրա արդեն կային նարնջագույն ժապավեններ։ Բերվել էին նարնջագույն վրաններ։ Ո՞րն էր նպատակը: 

Նպատակն էր իշխանության բերել դավաճաններին, Ղարաբաղը հանձնել հայերին և կառավարել Ադրբեջանը», - հայտարարել է Ալիևը Բաքվում ռազմական ավարների այգու բացման ժամանակ, որտեղ ցուցադրված է իբր հայկական կողմից գրավված սպառազինությունը՝ Ղարաբաղում էսկալացիայի ժամանակ, փոխանցում է ՌԻԱ Նովոստին։

«Այն ժամանակ նորաձեւ էր «նարնջագույն հեղափոխությունը»: Այստեղ-այնտեղ հեղափոխություններ էին տեղի ունենում: Այժմ բոլորը կարող են տեսնել, թե ինչ տեղի ունեցավ այս հեղափոխությունների հետ: Երկրները գտնվում են անմխիթար վիճակում, չեն կարողանում դուրս գալ ճգնաժամից, ճգնաժամը տեւում է 15-17 տարի: Այս երկրները դժվար թե դուրս գան ճգնաժամից»,- հայտարարել է նա:

Աղբյուր` Փաստինֆո