Փաստ ինֆո

Ռուսաստանյան խաղաղապահների նախաձեռնությամբ Արցախում անցկացվում է Հայրենական մեծ պատերազմի հուշարձանների բարեկարգման աշխատանքներ, հայտնում են ՌԴ պաշտպանության նախարարությունից։

Նախաձեռնությանը մասնակցում են Արցախում ռուսաստանյան խաղաղապահ զորախմբի մարդասիրական արձագանքման կենտրոնի զինծառայողները՝ Մարտակերտի, Մարտունու և Ասկերանի շրջանների վարչակազմերի հետ փոխգործակցությամբ:

«Նորագյուղում, ուր այդ առաքելությամբ են ժամանել ռուսաստանյան խաղաղապահ զորախմբի հումանիտար արձագանքման կենտրոնի զինծառայողները, կա 60-ական թվականների հուշարձան: Այդ գյուղից ռազմաճակատ մեկնած ավելի քան 90 տղամարդ իրենց կյանքը տվել են հանուն խորհրդային ժողովրդի ազատության»,- հայտնում են ՌԴ ՊՆ-ից։

Ռուս խաղաղապահները Նորագյուղի բնակիչների հետ համատեղ իրականացրել են ցանկապատի վերականգնման և ներկման, տարածքի մաքրման և հենց հուշարձանի մաքրման աշխատանքներ:

«Այս ակցիան իրականացնելու միտքն առաջացել է այն պատճառով, որ Արցախի տարածքում գտնվող մի շարք հուշարձաններ վերականգնման կամ վերականգնման կարիք ունեն։ Հետագայում այս ակցիան կտևի մինչև Մեծ հաղթանակի 76-րդ տարելիցը»,- այս մասին հայտնել է մարդասիրական արձագանքման կենտրոնի պետ Իգոր Սիվակովը։

Կենտրոնն Արցախում հաշվառել է 58 հուշարձան՝ նվիրված 1941-1945 թվականներին ռազմաճակատում ընկած զինվորների հիշատակին, դրանցից 29-ն արդեն բարեկարգվել են։

Աղբյուր` Փաստինֆո