Փաստ ինֆո

Նոր կորոնավիրուսով վարակման հաստատված դեպքերի թիվն աշխարհում գերազանցել է 134,95 միլիոնը՝ 24 ժամում ավելանալով ավելի քան 646 հազարով: Առողջապահության համաշխարհային կազմակերպության (ԱՀԿ)՝ կիրակի օրը հրապարակված տվյալների համաձայն, մահաբեր ելքերի թիվն աճել է ավելի քան 10,7 հազարով՝ գերազանցելով 2,91 միլիոնը:

Ապրիլի 11-ին՝ ժամը 15:08-ի դրությամբ, ԱՀԿ-ում տեղեկություններ են ստացվել 134 957 021 վարակված եւ 2 918 752 մահացած անձանց մասին: Վարակվածների թիվն ավելացել է 646 863 - ով, մահացածների թիվը՝ 10 712-ով։

ԱՀԿ-ի վիճակագրությունը հաշվի է առնում միայն պետությունների կողմից վարակման եւ մահվան դեպքերի մասին պաշտոնապես հաստատված տեղեկությունները։Վարակման դեպքերի ավելի քան 34 տոկոսը, որոնց մասին հաղորդումները ստացվել են ԱՀԿ-ում անցած օրվա ընթացքում, բաժին է ընկնում Եվրոպային (222 804), երկրորդ տեղում Հյուսիսային եւ Հարավային Ամերիկան (184 717), երրորդում՝ Հարավարեւելյան Ասիային (164 704):

ԱՄՆ - ում վարակի առավել հաստատված դեպքեր են գրանցվել՝ 30 692 226։ Հաջորդում են Բրազիլիան (13 373 174), Հնդկաստանը (13 358 805), Ֆրանսիան (4 945 238), Ռուսաստանը (4 641 390), Մեծ Բրիտանիան (4 368 049), Թուրքիան (3 798 333), Իտալիան (3 754 077), Իսպանիան (3 336 637), Գերմանիան (2 998 268), Լեհաստանը (2 574 631) եւ Կոլումբիան (2 504 206):

Աղբյուր` Փաստինֆո