Փաստ ինֆո

Թշնամի պետության ղեկավարը՝ Ալիևն իրեն այդպես էլ պետք է պահեր, - այս մասին մամուլի ասուլիսի ժամանակ ասաց ՀՅԴ անդամ Բագրատ Եսայանը:

«Ես բոլորովին էլ զարմացած չեմ Ալիևի պահվածքից: Ես զարմացած եմ մեր ժողովրդի համբերության վրա, այս 3 տարի ժողովրդը սպասում էր, որ Փաշինյանը կկատարի իր կողմից տված գոնե մեկ խոստումը: Նա մանիպուլյացիաներով կերակրում էր ժողովրդին, այժմ նա իր խոստումներին հակասող քայլեր է անում»,-նշեց Եսայանը:

ՀՅԴ ներկայացուցիչն ասաց, որ ժողովրդի մի հատված կա խեղճ ու անճար, որը ի դեմս «վարչապետ կոչվածի» իր հայելային արտացոլումն է տեսնում, և  վարչապետը այդ զանգվածի վրեժն է բոլոր հաջողակ և աշխատող մարդկանցից:

«Ցավոք սրտի այդ զանգվածը հաջողացրել է իշխանության բերել իր արտադրանքին և մենք պետք է վաղուց քշեինք Փաշինյանին վարչապետի պաշտոնից, բայց եթե չի ստացվել, պետք է օգտվենք ընտրություններից և անենք դա: Սա պետք է լինի գալիք 2.5 ամիսների միակ օրակարգը», - ասաց Եսայանը:

Նա նաև շեշտեց, որ շահարկել նախկին իշխանությունների թեման Փաշինյանը այլևս չի կարողանա: «Ես լսել եմ Փաշինյանի հայտարարությունները, մարզային այցելությունների ժամանակ և ուղղակի ծիծաղելի էր, երբ նա խոսում էր նախկինների թալանի և կոռումպացված լինելու մասին: Բայց այսօր Հայաստանում ամենակոռումպացված մարդկանցից մեկը Փաշինյանն է: Նա գողացավ «Հայաստան» հիմնադրամի փողերը, մեծ պարգևավճարներ շնորհեց իր նախարարներին և պատգամավորներին, պատասխանտու պաշտոններին նշանակեց իր բարեկամներին», - նկատեց ՀՅԴ անդամը:

Եսայանը նաև ասաց, որ Փաշինյանին ընտրությունների ժամանակ հավատալու է չնչին տոկոսը: «Վարչապետը փորձելու է օգտագործել վարչական ռեսուրսը, սակայն դա նրան չի հաջողվելու, քանի որ պետական ապառատի բոլոր աշխատողները զզվանք են զգում Փաշինյանի հանդեպ: Իշխանությունը նաև փորձելու է կաշառել ընտրական զանգվածը:

Փաշինյանը կարծում է, որ եթե ընդդիմությունը նրան փողոցով չի քշել, ուրեմն նա մնալու է իր պաշտոնին, բայց նա սխալվում է, քանի որ ընդդիմությունը ունի մեկ օրակարգ, քշել Փաշինյանին վարչապետի պաշտոնից», -շեշտեց Եսայանը:

Ըստ ՀՅԴ ներկայացուցչի, Խաչատուր Սուքիասյանն է հայտարարել, որ երազում է սահմանների բացման մասին: «Անմեղսունակ իշխանության հայտարարությունները չեն ազդում Թուրքիայի ռազմավարական պատկերացումների մասին Հայաստանի վերաբերյալ: Ոչ Անկարան, ոչ էլ Բաքուն չեն թաքցնում, որ ցանկանում են, որպեսզի Հայաստանը կորցնի իր պետականությունը և դադարի լինել աշխարհաքաղաքական գործոն», - շեշտեց Եսայանը:

Աղբյուր` Փաստինֆո