Փաստ ինֆո

Ադրբեջանում իրենց բողոքի ձայն են բարձրացնում անհետ կորած զինվորների հարազատները։ Ճիշտ է, պաշտոնական Բաքուն փորձում է ներկայացնել, թե անհետ կորած զինվորներ չունեն, իսկ մարդկային կորուստներն էլ քիչ են, սակայն ադրբեջանական տելեգրամյան ալիքները հաղորդում են, որ ծնողները բողոքի ակցիայի են դուրս եկել։ Նրանք հավաքվել են նախագահի նստավայրի մոտ։ 

Նույն աղբյուրի փոխանցմամբ՝ զինվորների հարազատների հետ այս պահին հանդիպում է Ադրբեջանի գլխավոր դատախազը։
@wargonzo տելեգրամյան ալիքի տվյալներով՝ ադրբեջանական կորուստներն անհամեմատ շատ են։ Ռազմական գործողությունների ժամանակ ադրբեջանցի սպաները պարզապես հրաժարվում էին տանել սպանվածների մարմինները, որոնց թվում կային 20-30 հոգանոց խմբեր։ Բնական է, որ զինվորների հարազատներն սկսել են անհանգստանալ, քանի որ դա անհնար է անվերջ թաքցնել:

Բաքվեցիները նոր են ուշքի եկել, թալիշներն իրենց գյուղերում այժմ համբերատար սպասում են, բայց նրանց համբերությունը կարող է սպառվել:

Մեծ թիվ են կազմում նաեւ Էրդողանի կողմից Արցախ ուղարկված եւ սպանված սիրիացիները, որոնք պարզապես գնացել են ոչնչացման, եւ նրանց մասին ոչ ոք չի հիշի:

Աղբյուր` Փաստինֆո