Փաստ ինֆո

Մենք այս պատերազմում չպարտվելու հնարավորություն ունեինք: Նա դավաճան է։ Այս մասին Սևանում ՀՓՇ հանրահավաքի ժամանակ ասաց ՀՀ նախկին վարչապետ Հրանտ Բագրատյանը:

«Փաշինյանին հենց առաջին օրն ասվեց  պայթեցրու Սարսանգը և ոչնչացրու Մարտակերտի ռազմաճակատը: Դրա համար արդեն ամենինչ պատրաստ էր, հեղեղ էր լինելու: Իսկ զինվորներին պետք էր տեղափոխել հարավային ուղղություն, քանի որ հարավից էր գալիս թշնամին: Մենք իրեն առաջարկում էինք Իսկանդերով խփել նավթամուղին  և գազամուղին, իսկ նա չգիտես ինչու կրակում էր Գյանջա քաղաքի բնակելի տներին»,-հայտարարեց Հրանտ Բագրատյանը հավելելով, որ հոկտեմբերի 19-ին Պուտինը Փաշինյանին ասել է, որ պետք է կանգնեցնել պատերազմը, որպեսզի Հադրութի կեսը և Շուշին մեզ մնան, նաև մեզ էին մնալու Լաչին ու Քելբաջարը:

«Սակայն Նիկոլը հայտարարել է, որ ավելի լավ է նա այդ տարածքները հանձնի և բոլորիս խաբի, որ պարտվել է, քան կանգնեցնի պատերազմը, իսկ հետո իրեն ասեն դավաճան»,-նկատեց Բագրատյանը:

Նախկին վարչապետն ասաց, որ Փաշինյանը կոռուպցիոներ է: «Ինքը պետք է բարձրացներ պատգամավորների կամ ԱԺ նախագահի աշխատավարձը, բայց նա դա չի համարձակվում անել և նրանց տալիս է ահռելի պարգևավճարներ: Իրենք անցայլ տարի ծախսել են 120 հազար դոլար, այս գումարներով մենք կարող էինք 2000 փոքր ԱԹՍ գնել, կամ «Տոռ» հակաօդային համակարգ»,-ասաց Բագրատյանը:

Ըստ Բագրատյանի, անցյած տարի բյուջեի եկամուտները պակասել են 19%ով, այս տարի բյուջեի եկամուտները պակասել են 11%-ով։

«Այս խայտառակ վիճակը խոսում է այն մասին, որ կոռուպցիան ու ստվերը շատացել են: Նա փող չունի ուսուցիչների աշխատավարձերը բարձրացնելու համար: Չի կարելի պսիխոզով հիվանդ մարդուն նշանակել երկրի ղեկավար և լավ բան սպասել: Իր կինը վերցնում է 5 մլն դրամ և բաժանում  զոհվածների ընտանիքներին, բայց դա մեր բյուջեի փողն է»,-հայտարարեց Բագրատյանը:

 Նա կարծում է, որ չի կարելի Փաշինյանի  հետ գնալ ընտրությունների, քանի որ նա արյուն է թափելու:

«Ինքը հնարավորություն ունի խառնել ամբողջ հանրապետությունը, նա կպարտվի, բայց ինչու ռիսկի գնանք: Նա տվել է մեր հողերը թուրքերին, իսկ հիմա թուրքը մոտեցել է Կապան քաղաքին, սահմանը Կապանից հեռու էր 180 կմ: Մենք առյուծի պես կռվում էինք, թուրքը հնարավորություն չուներ մեզ հաղթելու:

Գունդը 350 հոգի փախել են հարավային ռազմաճակատից, նա թույլ չտվեց նրանց պատժելու կամ գնդակահարելու, արդյունքում դրա պատճառով 1000 մարդ զոհվեց:Դա հայտնի պատմություն է։ 

Կամ ես, կամ ինքը. Փաշինյանի հետ նույն հողում չեմ կարող լինել»,-ամբիոնից հայտարարեց Բագրատյանը և հավելեց, որ պետք է հեռացնել Փաշինյանին, հետո տեսնել, թե թուրքի դեմ ինչպես ենք պայքարելու:

Աղբյուր` Փաստինֆո