Փաստ ինֆո

Մենք այսօր պարտավոր ենք, այն հզոր բանակը, որն ունեցել ենք նախկինում, վերականգնել: Այնտեղ որտեղ բանակը և ժողովուրդը միասին են, նրանք անպարտելի են: Այս մասին «Հայրենիքի փրկության շարժման» հանրահավաքի ժամանակ հայտարարեց ՊՆ նախկին նախարար Սեյրան Օհանյանը:

ՊՆ նախկին նախարարի խոսքով՝ պատերազմում պարտության հիմնական պատճառն այն էր, որ բանակը չուներ ամուր թիկունք, քանի որ գործող իշխանությանը պատերազմի ընթացքում չէր հաջողվել համախմբել ժողողրդին, մոբիլիզացնել ողջ ռեսուրսը.

«Յուրաքանչյուր երկրի ռազմական ներուժի բաղկացուցիչ մասն են հանդիսանում երկրի տնտեսությունը, բանակը՝ իր զորահավաքային ռեսուրսներով, ինչպես նաև հայրենասիրական դաստիարակության մակարդակը: Այս ամենը երկրի բնակչության և տարածքի հետ միասին այն հավաքական կամքն է, որի միջոցով կարող ենք մեր երկիրը զարգացնել և անվտանգ պահել»,-ասաց ՊՆ նախկին նախարարը:

Սեյրան Օհանյանն իր ելույթում ընգծեց, որ Հայաստանը և Արցախը միասին ավելի մեծ անվտանգային և տնտեսական գործոն էին տարածաշրջանում, քան Հայաստանն առանց Արցախի.

«Վերջին տարիներին՝ սկսած 2018թ-ից մենք մեծ հարված ենք հասցրել մեր քաղաքական ռեսուրսներին, և այդ ռեսուրսներն ազդեցին արցախյան բանակցային գործընթացում: Տարիներ ի վեր մենք բանակցային մեծ պոտենցիալ էինք հավաքել և և 30 տարի մեր երկիրը պահել ենք խաղաղ վիճակում, բայց այս իշխանությունների անգրագետ գործունեության արդյունքում այդ ռեսուրսները ոչնչնվեցին և դա հնարավորությունն տվեց հակառակորդին մարտական գործողություններ սկսել»,-ասաց Օհանյանը:

Սեյրան Օհանյանը հայտարարեց, որ իր տեղեկություններով, նոյեմբերի 9-ի եռակողմ հայտարարությունից հետո գործող իշխանությունը բանավոր կերպով ցուցում են տվել, որ Սյունիքի ռազմավարական շրջաններից զորքերը հեռացվեն:

Անդրադառնալով ճանապարհնաերի ապաշրջափակամնը՝ Սեյրան Օհանյանը վստահեցրեց, որ մեր տնտեսության մեջ ներառելով Ադրբեջանի և Թուրքիայի ներդրումները, մենք ունենալու ենք տնտեսության կտրուկ անկում և այդ տարածաշրջաններում շատանալու են թուրքերը և ադրբեջանցիները՝ փոխելով մեր ժողովրդագրական տվյալները:

Աղբյուր` Փաստինֆո