Փաստ ինֆո

Ադրբեջանցիների կողմից հայկական եկեղեցիների պղծումը, Ջաբրայիլի եկեղեցու հիմնահատակ քանդելն անսպասլի չէր։ Տեր Արշակ եպսիկոպոս Խաչատրյանը լրագրողների հետ զրույցում ասաց, որ մենք Ադրբեջանի պետական քաղաքականությանը նոր չէ, որ պետք է ծանոթանանք, Նախիջևանի խաչքարերի ոչնչացումը դրա ցայտուն օրինակներից մեկն է։

«Իհարկե Մայր Աթոռը փորձում է միջազգային տարբեր կազմակերպությունների ներգրավելու միջոցով որոշակի անվտանգության երաշխիքներ ստանալ պատմամշակութային հուշարձանների պահպանության համար, իսկ թե որքանով արդյունավետ՝ դժվար է գնահատել։ Ամեն դեպքում՝ պետք է փորձենք, բայց մեծապես վտանգված են մեր սրբավայրերը, պատմամշակութային հուշարձանները՝ հաշվի առնելով Ադրբեջանի պետական քաղաքականության հիմքում դրված ընդհանուր մոտեցումները»,- նշեց տեր Արշակը։

Ինչ վերաբերում է Թուրքիայի մասնակցությանը, Տեր Արշակը նշեց, որ դա ազգային-հոգեբանական կոմպլեքսի հետևանք է. «Երբ փորձում ես ամեն կերպ հայկական պատմական տարածքները սեփական տարածք հռչակել, պետք է փորձել պատմամշակութային այն շերտը, որը հայկականություն է ենթադրում, ոչնչացնել և ներկայացնել դրանք թուրքական, իսլամական, որքան էլ որ դա պատմականորեն կամ գիտականորեն զավեշտալի թվա։ Դա այդ հոգեբանության և այդ հոգեբանության վրա կառուցված քաղաքականության հետևանք է»։

Աղբյուր` Փաստինֆո