Փաստ ինֆո

Հայաստանում տարեկան գնաճը կազմել է 5.8%, նախորդ ամսվա համեմատ գնաճը կազմել է 1.0%։ Հայաստանի վիճակագրական կոմիտեն ներկայացրել է 2021 թվականի հունվար-մարտ ամիսների սպառողական գների ինդեքսը։ Հանրապետությունում նախորդ տարվա նույն ժամանակահատվածի համեմատ արձանագրվել է սննդամթերքի և ոչ ալկոհոլային խմիչքի 7.4% գնաճ։ Վերջինիս մեծապես նպաստել են ձկան և ծովամթերքի, կաթնամթերքի, յուղերի և ճարպերի, մրգի՝ 1.6-6.9% գնաճերը:

Մրգի ապրանքախմբում մեկ տարում արձանագրվել է 10.9% գնաճ:

Յուղերի և ճարպերի ապրանքախմբում նախորդ տարվա մարտի համեմատ արձանագրվել է 24.6%, իսկ այս տարվա փետրվարի համեմատ՝ 4.3% գնաճ (արևածաղկի բուսական յուղի միջին գնաճը 2021թ. մարտին 2020թ. մարտի համեմատ կազմել է 62.2%, իսկ 2020թ. փետրվարի համեմատ՝ 8.7%):

Շաքարի և շաքարավազի ապրանքախմբում մեկ տարում գրանցվել է 40.9% գնաճ:
Կաթնամթերք, պանիր և ձու ապրանքախմբում նախորդ տարվա մարտի համեմատ գրանցվել է 16.5%, իսկ 2021թ. փետրվարի համեմատ՝ 2.2% գնաճ:

Ձվի գինը 2021թ. մարտին նախորդ տարվա համեմատ աճել է 78.2%-ով, իսկ այս տարվա փետրվարի համեմատ՝ 8.1%-ով:
Մսամթերքը թանկացել է 3.4% -ով։

Ալկոհոլային խմիչքի և ծխախոտային արտադրատեսակների ապրանքախմբում մեկ տարում 9.2% գնաճ է արձանագրվել, այս տարվա փետրվարի համեմատ՝ 1.9%:

Ալկոհոլային խմիչքը թանկացել է 9.0%-ով, ծխախոտը՝ 9.6% տոկոսով։

Հացաբուլկեղենի և ձավարեղենի ապրանքախմբում ևս գնաճ է գրանցվել՝ 9.4%, հացի և ալյուրի գնաճը կազմել է համապատասխանաբար 8.6% և 14.4:

Գները շեշտակի աճել են նաև վառելիքի շուկայում. բենզինի և դիզելային վառելիքի գները այս տարվա փետրվարին աճել են 8.2% և 11.2%-ով։ Նախորդ տարվա համեմատ՝ հանրապետությունում գրանցվել է բենզինի 4.9% գնաճ, իսկ դիզելային վառելիքի գները նվազել են 4.9%-ով: 2021թ. մարտին 2020թ. դեկտեմբերի համեմատ արձանագրվել է բենզինի և դիզելային վառելիքի համապատասխանաբար 14.0% և 18.1% գնաճ:

Աղբյուր` Փաստինֆո