Փաստ ինֆո

Վերջերս ես շատ եմ լսում այն մասին, որ Սփյուռքի մեր հարենակիցները կարող են Հայաստանում զբաղվել քաղաքականությամբ, սա ծիծաղելի է,- այդ մասին իր տեսանյութում հայտարարել է կինոպրոդյուսեր Արմեն Գրիգորյանը:

Նրա արձանագրմամբ, սփյուռքում, այո, կան շատ կիրթ երիտասարդներ, որոնք կարող են դառնալ լավ կառավարիչներ, տնտեսագետներ, բժիշկներ և այլն: Սակայն, Հայաստանում քաղաքական գործիչ լինելու համար, ըստ Գրիգորյանի պետք է առնվազն բնակվել Հայաստանում:

«Չի կարող պատահել, որ մարդը բնակվելով Մոսկվայում, Լոս-Անջելեսում կամ Վիեննայում, գա Հայաստան, իջնի ինքնաթիռից և դառնա քաղաքական գործիչ: Քաղաքական գործիչը պետք է բնակվի այն երկրում, որտեղ նա պատրաստվում է ծավալել իր գործունեությունը: Բոլորը խոսում են երրորդ ուժի մասին, բայց լինելով Պսկովում, կամ Բրյուսելում անհնար է ակտիվացնել և զարգացնել այդ ուժը», - ասել է Գրիգորյանը:

Նա նշեց, որ եղել է առաջիններից մեկը, ով եկել է Հայաստան և զրոյից սկսել է նվաճել հայրենակիցների վստահությունը:

Մանրամասները՝ տեսանյութում

Աղբյուր` Փաստինֆո