Փաստ ինֆո

Պետք է հասկանալ՝ այս իրավիճակից ելքն արտահերթ ընտրություննե՞րն են, թե՞ ոչ։ «Փաստինֆո»-ի հետ զրույցի ժամանակ այս մասին ասաց ՀՀ նախկին վարչապետ Խոսրով Հարությունյանը։

Վերջինս նկատեց՝ ոմանք փորձում են ստեղծված իրավիճակը ներկայացնել որպես ճգնաժամ. «Մեր երկրում ճգնաժամ չէ. մենք կանգնած ենք պետականության կործանման եզրին։ Սա ճգնաժամ չէ, որից փորձենք ելքեր գտնել ընտրությունների միջոցով։ Խորապես համոզված եմ, որ հայտնվելու ենք ավելի վատ, ավելի ծանր սոցիալ-տնտեսական և բարոյահոգեբանական մթնոլորտում»,-նշեց Խոսրով Հարությունյանը։

ՀՀ նախկին վարչապետը նշեց, որ եթե գործը հասնի ընտրություններին, ապա Նիկոլ Փաշինյանը, օգտագործելով ողջ ռեսուրսը, հատկապես ուժայիններին, կեղծիքների է գնալու. «Առաջիկա ընտրությունները լինելու են մեր նորանկախ Հայաստանի պատմության մեջ ամենախատառակ ընտրությունները, ինչը չի կարելի թույլ տալ։ Դա կնշանակի, որ հայտնվել ենք ավելի ծանր, բարդ վիճակում, հատկապես անվտանգային առումով»,-նշեց Խոսրով Հարությունյանը։

Մանրամասները՝ տեսանյութում

Աղբյուր` Փաստինֆո