Փաստ ինֆո

Կասկածի տակ դնելով 1,5 մլն հայի սպանությունը, հրաժարվելով հայոց ցեղասպանությունից` իշխանությունը մեզ խորհուրդ է տալիս ընկերանալ թուրքի հետ,- այս մասին Հայրենիքի փրկության շարժում հանրահավաքի ժամանակ հայտարարել է ՀՅԴ ԳՄ ներկայացուցիչ Իշխան Սաղաթելյանը:

«Նա, ով ուրանա հայոց ցեղասպանությունը, մոռանա Արցախը և երեք պատերազմներում զոհված մեր հայրենակիցներին` հայ ազգի թշնամին է: Այսօրվանից ի վեր ԱԽ շենքը Հայաստանում Թուրքիայի դեսպանատունն է, իսկ ԱԽ քարտուղարը ՝ Թուրքիայի դեսպանն է: Հատևաբար ՀՀ քաղաքացիները պետք է ԱԽ քարտուղարին վերաբերվեն, ինչպես Թուրքիայի գործակալին», - հայտարարել է Իշխան Սաղաթելյանը:

Ըստ նրա` հիմա Հայաստանում կա երկու գիծ ՝ մեկը Նիկոլն է, որը խաբելով ժողովրդին եկավ իշխանության, հանձնեց Արցախը և հիմա ուզում է հայ ժողովրդին տանել կործանման, հրաժարվել մեր արժեքներից, ընկերանալ Ադերբեջանի և Թուրքիայի հետ:

Երկրորդ տեսակը ՝ մեր շարժումն է: Մենք ուզում ենք պահպանել մեր արժեքները, պետականությունը, Արցախն առանց զիջելու զարգանալ: Հայաստանում պետք է հաղթի այս ուղղությունը:

Նա շեշտեց, որ շարժումը դեռ չի հասել իր գլխավոր նպատակին:

«Այս շարժումն ունի ձեռքբերումներ, սակայն դա բավարար չե: Հայաստանը պետք է լինի առանց Նիկոլի: Փաշինյանը փորձելու է ընտրությունների միջոցով փրկել իր կաշին: Սակայն մենք չպետք է դա թույլ տանք», հայտարարել է Ի.Սաղաթելյանը:

Նա ՀՓՇ գործողությունները բաժանել է երեք փուլի: Նախ` մինչև Փաշինյանի հրաժարականը, պետք է այցելեն մարզեր, շփվեն մեր քաղաքացիների հետ, որպեսզի մարզերում տարածեն իրենց գաղափարները, այն է` հեռացնել Փաշինյանին:

Երկրորդ փուլը կլինի Փաշինյանի հրաժարականի ժամանակ: «Եթե նա հրաժարական տա ՝ դե-յուրը հրաժարականը պետք է դարձնել դե-ֆակտո: Եվ երրերդ փուլը ՝ եթե անկախ մեր կամքից երկիրը գնա ընտրություններին, մասնակցող ուժերը պետք է հայտարարեն որ չեն համագործակցելու այդ դավաճանի հետ: Եվ այդ ընտրությունները պետք է դառնան դավաճաններին հեռացնելու միջոց»,- եզրափակեց Սաղաթելյանը:

Հանրահավաքին հաջորդեց երթը, որն ավարտվեց Ֆրանսիայի հրապարակում:

Աղբյուր` Փաստինֆո