Փաստ ինֆո

Հայրենիքի փրկության շարժումը այս պահին երթ է իրականացնում Երեւանում` Նիկոլ Փաշինյանի հրաժարականի պահանջով:

«Քաղաքացիները, որոնք ողջունում են մեր պայքարը, բայց չեն մասնակցում իշխանություններին հեռացնելուն, պետք է հասկանան որ ամեն օր, թուրքն ավելի է մոտենում իրենց տանը, - հանրահավաքի ժամանակ հայտարարեց դաշնակցական գործիչ Գեղամ Մանուկյանը:

Նա նկատեց, որ Փաշինյանը գաղտագողի քարոզարշավ է անցկացնում, մարժեր է այցելում` առանց տեղեկացնելու, թե ուր է գնալու: Ավելին` կառավարության նիստերից հետո նա դուրս է գալիս շենքից հետևի մուտքով և քանի դեռ նա չի հեռացել վարչապետի պաշտոնից, այդպես է լինելու:

«Եթե դուք նստում եք տանը, վաղը տեսնելու եք թուրքին ձեր դռան առջև: ԱԽ քարտուղարը ասել է, որ թուրքը մեր թշնամին չէ: Բայց սյունեցին և արցախցին տեսել է մեր թշնամուն: Մենք պայքարելու ենք ամեն օր, մինչև չհեռացնենք Փաշինյանին վարչապետի պաշտոնից», - ասաց Մանուկյանը:

Քաղաքագետ, զոհված զինվորի հայր Գեղամ Նազարյանը հայտարարել, որ այսօր պայքարում են մեր պետության և մեր ազգի լինել- չլինելու համար:

«Մեզ հետ` ի դեմս Նիկոլի, խոսում է Ռեջեփ Էրդողանը: Նա ասում է, դուք տվեցիք մեզ Շուշին, ձեր 5.000 տղերքին, մեզ ձեզ դրա դիմաց տալու ենք 200 դրամանոց ձեթը և բենզին: Բայց մեր ժողովուրդը դրան չի համաձայնվելու:

Սրանք մեզանից գաղտնի Դուբայում, Դուշամբեում որոշեցին հանձնել Արցախը, իսկ հիմա ուզում են հանձնել Հայաստանը: Նիկոլը ոչինչ չի մտածում, նրա փոխարեն մտածում է Էրդողանը: Փաշինյանը Արագածոտնում երեխաներ է հավաքել և հարցնում են, ի՞նչու եք դուք թուրքերին թշնամու աչքերով նայում: Բայց այդ թուրքն է մեզ նայում թշնամու աչքերով:

Նիկոլը և իր կողմնակիցները պետք է հասկանան, որ իրենք ընտրություններում չեն հաղթելու, իրենք մի օր փախչելու են Հայաստանից: Մոռացեք ընտրությունների մասին, մենք պետք է կենտրոնանանք նրա վրա, որպեսզի հեռացնենք Փաշինյանին»,- ասաց Նազարյանը:

Աղբյուր` Փաստինֆո