Փաստ ինֆո

Պարո՛ն Միրզոյանին, դուք խորհրդարանի նախագահն եք, և ուզում եմ հիշեցնել, որ դուք ոչ միայն ձեզ ծափահարող զանգվածի նախագահն ենք, այլև այն զանգվածի, որ ձեզ չեն ծափահարում և ուզում են մի խումբ պատգամավորների կողմից իրենց հուզող հարցերը բարձրացնել: Այս մասին ԱԺ-ում ասաց պատգամավոր Գոռ Գևորգյանը՝դիմելով ԱԺ նախագահ Արարատ Միրզոյանին.

«Խորհրդարանը, Ձեր գլխավորությամբ, կրավորական դերակատարություն է ունեցել վերջին մի քանի ամիսներին, և դրա վառ ապացույցն է անցած օրը կառավարության անդամների կողմից հեգնական վերաբերմունքը խորհրդարանական պետության պատգամավորների կողմից հնչեցված հարցերին: Դուք պարտավոր էիք միջամտել, այստեղ եք նաև դուք կերտում Ձեր հետագիծը»,-ասաց Գոռ Գևորգյանը:

Հորդորեց, որ այսուհետ խորհրդարանում լինի հարգանք միմյանց նկատմամբ և չլինի արհամարհական վերաբերմունք.

«Քանի դեռ ես պատգամավոր եմ և դուք խորհրդարանի նախագահ, դուք պարտավոր եք հաշվի առնել բոլոր պատգամավորների շահերը»,-ասաց Գևորգյանը:

Արարատ Միրզոյանն էլ արձագանքելով պատգամավորին նշեց, որ իր պարտականությունները և իրավունքները լավ գիտի.

«Լսեցի ձեր խորհուրդները և հորդորները, մի մասը համարում եմ կառուցողական, մի մասն էլ՝ թույլ տվեք ես որոշեմ էլի: Իմ հետագծի մասին եք խոսում, ամեն մեկը թող իր հետագծի մասին նախ մտածի նոր ուրիշների»,-ասաց Միրզոյանը:

Աղբյուր` Փաստինֆո