Փաստ ինֆո

ԳՇ նախկին պետ, գեներալ-գնդապետ Մովսես Հակոբյանը լրագրողների հետ զրույցում վերահաստատեց՝ «Իսկանդերը» չի կարող կիրառվել ու չպայթել։

«Իսկանդեր կիրառվել է։ Կրած վնասների մասին միայն և միայն կարող է տեղեկություն տրամադրել հակառակորդը՝ հաշվի առնելով մի քանի հանգամանք»,-նշեց Մովսես Հակոբյանը։

Գեներալ-գնդապետն ասաց, թե այն տարածքը, որտեղ կիրառվել է «Իսկանդերը», հեռվից լավ տեսանելի չի եղել։ «Իսկանդերի» կիրառման օրը եղել է ամպամած և տեսանելիության խնդիր է եղել։

«Եվ ամենից կարևորը՝ պայթյունների ընթացքում կրած վնասների մասին է, որը միայն կարող է ասել հակառակորդը, եթե մենք այդ տարածքները հետագայում հետ չենք վերցրել։ Իսկ ես գիտեմ՝ որտեղ որ կիրառել են, մենք այդ տարածքները հետ չենք վերցրել և արդյունքները չենք կարող արձանագրել», - ասաց նա։

Արդյունքների մասին վարչապետին կարող է տրամադրել միայն Ադրբեջանը:

«Ուրիշ մարդ արդյունքների մասին չի կարող ասել։ Պետք է հակառակորդի հետ փոխգործակցես, որ տվյալները տա՝ «Իսկանդերի» արդյունավետությունն ինչքան է եղել: Ես կարծում եմ, որ Ադրբեջանը երբեք մեզ այդպիսի տվյալներ չի տա»,-ասաց գեներալը։

Աղբյուր` Փաստինֆո