Փաստ ինֆո

«Հերիք է ժողովրդի անունից պետականություն քանդեք». ԱԺ «Լուսավոր Հայաստան» խմբակցության պատգամավոր Տարոն Սիմոնյանն ասում է, որ հանրույթում կործանարար աղմուկ է։

«Կործանումը միայն ֆիզիկական ոչնչացումը չէ, այլև բարոյական գահավիժումը։ Այսօր ամենուր, հանրային բոլորը հարթակներում խոսում են ժողովրդի անունից։ Հերիք է ժողովրդի անունից պետականություն քանդեք։ Ժողովուրդը միայն այսօրվա ապրող մարդիկ չեն, ժողովուրդը միայն ձեզ ծափահարող մարդիկ չեն։ Ժողովուրդն էս երկիրը մեզ ժառագած և դեռ սրանից հետո ապրող հայերն են։ Մենք միջոց ենք, նպատակ չենք», - ասաց Սիմոնյանը։

Պատգամավորը թվեց մեր ազգային նպատակաները՝ աշխարհում լինել ազդեցիկ ազգ, առաջադեմ և մրցունակ պետականություն ունենալ՝ իր կենսական տարածությամբ, արդյունավետ պետական իշխանությամբ և կիրթ ու հասուն  հանրությամբ, և լինել առաքինի անհատ։

Սիմոնյանի խոսքով՝ դեպի այս նպատակները տանող ճանապարհն օրինապահությունն ու բարոյական պարտականությունն է։ Իսկ խոչընդոտները թշնամիները չեն, այլ թերությունները՝ մեծամտությունը, եսասիրությունը, երբեմն տգիտությունը, անկազմակերպվածությունը։ Իսկ դրանց դեմ կարող են պայքարել միայն աշխատանքով, դեպի նորարարությունը միտված աննկուն կամքով։

«Եթե կան մարդիկ, որոնք այլ նպատակներ ունեն, ապա ստիպված եմ հիասթափեցնել, որովհետև Հայկյան ուղեծիրը իր հիքմով ազգային է, էությամբ՝ համամարդկային, ճանապարհով՝ անբեկանելի»,- եզրափակեց պատգամավորը։

Աղբյուր` Փաստինֆո