Փաստ ինֆո

«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը կարծում է, որ իշխանությունը պետք է քաղաքական կամք գտնի փոփոխություններ իրականացնելու Ընտրական օրենսգրքում, որոնց մասին իրենց թիմը սկսել է խոսել 2018 թվականի հեղափոխությունից։

«Այս ընտրությունները փոփոխված ԸՕ-ով իրականացնելը միակ ճանապարհն է, որը կարող է լուծել քաղաքական ճգնաժամը։ Դրա համար մեզ պետք է քաղաքական մրցապայքարի տրամաբանության մեջ ընտրություններ։ Եթե ընտրությունները լինեն կրիմինալ, օլիգարխիկ, ֆինանսա-տնտեսական, վարչական ռեսուրսների մրցակցության տրամաբանության մեջ, ուրեմն քաղաքական ճգնաժամի լուծում չենք ունենալու»։

Իոաննիսյանը նշեց, որ անհասկանալի է համարում ԼՀԿ դիրքորոշումը՝ ընտրություններն անցկացնելու ոչ փոփոխված օրենսգրքով։ Հիշեցրեց ընդդիմության՝ 2018-ի դրիքորոշումը։ Մոտեցումն այն էր, որ դեմ էին ռեյթինգային ընտրակարգին, իսկ թե ինչու է մոտեցումը փոխվել, Իոաննիսյանը նշեց, որ հասարակությունը եզրահանգումներ կանի։

«2018 թ.-ի նոյեմբերի 22-29-ին, Էդմոն Մարուքյանը մեծ վստահությամբ պնդում էր, որ ոչինչ, ժամկետները խնդիր չեն։ Երկու փորձ եղավ օրենսգիրքը փոխելու։ Մարուքյանը մեծ ուրախությամբ ասում էր՝ վերջապես շանս կա ազատվելու բիզնեսը քաղաքկանություն բերող ռեյտինգային ընտրական համակարգից, պետք է դա անել և ոչինչ, որ օրենսգիրքը փոխվում է ընտրություններից մոտ 40 օր առաջ։ Հիմա ի՞նչ է փոխվել, ակնհայտ հակասություն է»։

Իոանիսյանն ասում է՝ ԸՕ-ի փոփոխության ժամկետների խնդիրներ չկան։

Մինչև հունիսի 20 մնացել է մոտ 90 օր և այդ առումով որևէ խնդիր չկա։ Վենետիկի հանձնաժողովի ռեկոմենդացիաներն էլ պետք է ընկալել բովանդակության տրամաբանության, ոչ թե տառակերության տրամաբանության մեջ։

«Խաղի կանոնները պետք կանխատեսելի լինեն։ Հայաստանում վաղուց բոլորի համար կանխատեսելի սցենարն է, որ ԸՕ-ն փոխվելու է և չի լինելու ռեյթինգային ընտրակարգը»։

Ամփոփելով Իոաննիսյան ասաց, եթե համոզմունք ունենար, որ իշխանությունը կտրականապես չի ուզում փոխել Ընտրական օրենսգիրքը, ինքը ԱԺ-ում չէր լինի։

Աղբյուր` Փաստինֆո