Փաստ ինֆո

«Նման կերպ ուղղակի ճնշել Սահմանադրական դատարանին, ասել, որ տեսեք՝ հանկարծ մի հատ այնպիսի որոշում չկայացնեք, որ դադարեցվի քրեական հետապնդումը, մատ թափ տալ սահմանադրական դատարանի վրա՝ դա զարմանալի է, նույնիսկ զարհուրելի»,- այս մասին ՍԴ բակում լրագրողների հետ զրույցում ասաց Ռոբերտ Քոչարյանի փաստաբան Արամ Վարդևանյանը։

Փաստաբանի խոսքով, իշխանությունների հետ ուղղակիորեն փոխկապակցված, նաև սահմանադրական դատարանի դատավորի պաշտոն զբաղեցնող անձի հետ փոխկապակցված անձը փաստաբան Տիգրան Եգորյանն է, որը երեկ երեկոյան ճնշումներ է գործադրել։

«Խոսքը գնում է կոնկրետ մեկ օր առաջ ՍԴ-ում գործը քննելու պայմաններում ՍԴ դատավոր Վահե Գրիգորյանի հետ ուղղակի փոխկապակցված անձի մասին։ Բողոքի քննությանը նա չի մասնակցում, բայց բոլորս առնվազն պատկերացում ունենք 2018 թվականին հրապարակված գաղտնալսումներից, թե Գրիգորյանը 300.1 հոդվածի քրեական գործի հետ ինչ ուղղակի առնչություն ունի՝ ոչ որպես դատավարական կարգավիճակ ունեցող»,- ասաց Վարդևանյանը։

Հիշեցնենք, որ այսօր Սահմանադրական դատարանը քննում է ՀՀ երկրորդ նախագահ Ռոբերտ Քոչարյանի և Երևան քաղաքի առաջին ատյանի ընդհանուր իրավասության դատարանի դիմումների հիման վրա ՀՀ Քրեական օրենսգրքի 300.1-ին հոդվածի՝ Սահմանադրությանը համապատասխանելու հարցը։ Սահմանադրական դատարանը չբավարարեց ՍԴ դատավոր Արեւիկ Պետրոսյանի միջնորդություն՝ Ռ. Քոչարյանի դիմումի հիման վրա գործը բանավոր ընթացակարգով քննելու վերաբերյալ ու որոշվեց այն քննարկել գրավոր ընթացակարգով։

Աղբյուր` Փաստինֆո