Փաստ ինֆո

Հիմա ընտրական օրենսգիրքը փոխելը անընդունելի է, քանի որ ձեռք է բերվել պայմանավորվածություն, որ հունիսի 20-ին արվելու է ընտրություններ, դրանից հետո որևէ խաղի կանոն փոխելը նշանակում է պայմանավորվածություն խախտել:Այս մասին այսօր լրագրողների հետ ճեպազրույցում ասաց «Լուսավոր Հայաստան» խմբակցության պատգամավոր Գևորգ Գորգիսյանը:

Գորգիսյանը նշեց, որ կտրական են տրամադրված ԸՕ փոփոխությունների նկատմամբ և սա կարող է բերել նաև իրենց կողմից պայմանավորվածության խախտման:

Պատգամավորի հավաստամամբ՝ ընտրությունների շուրջ պայմանավարվածությունների ժամանակ ԸՕ փոփոխության հարց չի քննարկվել.

« ԸՕ-ի փոփոխության վերաբերյալ որևէ պայմանավորվածություն չի եղել, բայց ենթադրվել է, որ գործող խաղի կանոններով ենք գնում առաջ, այս կարճ ժամանակում այս բան չէր կարող լինել: Երկու տարի ժամանակ կար ընտրական օրենսգիրք փոխելու համար»ԼՀԿ քարտուղարը վստահեցրեց, որ ընտրական օրենսգրքի փոփոխությունը լուրջ խնդիրներ է առաջացնելու, հարցականի տակ է դնելու ընտրությունների լեգիտիմությունը. և ցանկացած կուսակցությունը, որը չհաջողի ընտրություններում, որպես պատճառ կարող է բերել ԸՕ փոփոխություններ.

««Իմ քայլը» ուզում է, ինչպես ժամանակին Սերժ Սարգսյանն էր արել, իր հագով կոստյում կարել՝ ընտրական օրենսգրքի տեսքով: Ամբողջ համակարգը արվել է այնպես, որ դրանից շահում է միայն «Իմ քայլը» խմբակցությունը»,-ասաց Գևորգ Գորգիսյանը:

Աղբյուր` Փաստինֆո