Փաստ ինֆո

Մարտի 20-ին Արագածոտն մարզ կատարած այցի ժամանակ ՀՀ վարչապետ Նիկոլ Փաշինյանը հայտարարել է, թե այս պահի տվյալներով հաստատվել է 3250 զոհի տվյալ, մեկ ամիս առաջ ՀՀ առողջապահության նախարարությունը հայտարարել էր, որ նույնականացվել է 3577 զոհած զինծառայողի մարմին, 428 փորձանմուշ գտնվում էր ԴՆԹ փորձաքննության փուլում: Իսկ հունվարին ԱԺ-ում Ավինյանը հայտարարել էր, թէ զոհերի թիվը 3439 է: Ասել է թէ, ԱՆ-ի հրապարակած թիվն ավելի արժանահավատ էր, որ հաջողվել է պարզել նոր մարմինների ինքնություն ու զոհերի ավելի մեծ թիվ էր հիշատակվել:

Մինչդեռ մեկ ամիս հետո Փաշինյանն ակնհայտորեն կեղծել է թիվը, ասելով, թե զոհերի թիվը նվազել է:

«Պաշտոնապես հաստատված 3250 զոհ ունենք: Մենք այսօրվա դրությամբ ունենք 189 ծնող, որոնք ԴՆԹ նմուշ են հանձնել և սպասում են պատասխանի», - Արագածոտնում հայտարարել է Փաշինյանն ու խոստովանել, որ բավականին մեպ է անհետ կորած զինվորների թիվը:

Մեկ ամսվա տարբերությամբ առնվազն 300-ով զոհերի թիվը նվազեցնելուց հետո Փաշինյանը հայտարարել է, թե զոհերի թիվը 4000-ից չի անցնի:

Հիշեցնենք, որ փոխվարչապետ Տիգրան Ավինյանը ևս խորհրդարանում հունվարի 20 -ին եւս հայտնել է, որ պատերազմի հետեւանքով զոհվածների թիվը չի անցնելու 4000-ը։

Իշխանությունները կարծես մոռանում են, որ որոնողական աշխատանքների արդյունքում ևս զոհերի մասին տվյալներ են հրապարակում։ Նոյեմբերի 13-ից մինչու ունվարի 18-ը հայտնաբերվել էր 1238 աճյուն, իսկ մարտի 17-ի դրությամբ հայտարարվել էր հայտնաբերված 1502 աճյունի մասին: Այսինքն` 264-ով ավելացել է հայտնաբերված դիակների թիվը, մինչդեռ զովերի թիվը Փաշինյանի տվյալներով նվազում է: Ակնհայտորեն, փորձ է արվում զոհերի թիվը կեղծել, ինչպես կեղծվեց պատերազմի ընթացքում:

Աղբյուր` Փաստինֆո