Փաստ ինֆո

Արագածոտնի մարզում բնակիչների հետ հանդիպմանը վարչապետ Նիկոլ Փաշինյանը` անդրադառնալով Շուշի քաղաքի մասին իր հայտարարությանը, թե այն դժգույն ու դժբախտ է, նշեց, որ անզգուշություն է ունեցել այդ արտահայտություն անելով, որը, չարժեր այդպես ասել: Փաշինյանը պնդեց, որ ձևի առիմով սխալ է ասել, բայց բովանդակային մասով արտահայտությունը ճիշտ է եղել։

«Էսօր էդ մարդիկ դառել են Շուշիի ամենամեծ պաշտպաններն, այսպես ասած: 2020 թվականին ո՞վ է եղել Շուշիում, 30 տարվա մեջ ի՞նչ ենք արել մենք Շուշիում, էս ա իրողությունը: Այո, ես ձեւի առումով սխալ ձեւակերպում ընտրեցի, բայց բովանդակության առումով ոչ մի սխալ բան չասեցի, որովհետեւ նրանց Շուշին Ղարաբաղում չի եղել, ժողովուրդ, նրանց Շուշին Շվեյցարիայում եւ Բադեն- Բադենում է եղել: Եկեք գնանք Իտալիա, եկեք գնանք Փարիզ, եկեք գնանք հունական կղզիներ, եկեք գնանք Բադեն-Բադեններ եւ կտեսնեք նրանց ոչ դժգույն Շուշիները: Նրանք կառուցել են իրենց Շուշիները աշխարհի բոլոր տեղերում, բայց հնարավորինս Շուշիից հեռու։ Հա, ճիշտա, մի օլիգարխի, խաբել, տարել են, էնտեղ տուն սարքել են տվել, կամ էլ չեն խաբել, չգիտեմ: Էս ա իրողությունը»:

Հիշեցնենք, որ Փաշինյանը հայտարարել էր նախքան ազատագրումը Շուշիի բնակչության 90 եւ ավելի տոկոսը կազմել են ադրբեջանցիները:

«Այսինքն՝ դուք ուզում եք ասել, որ 90 եւ ավելի տոկոս ադրբեջանցի բնակչություն ունեցող Շուշի քաղաքը հայկակա՞ն էր իր այդ կարգավիճակով»,- ասել էր Փաշինյանը։

Աղբյուր` Փաստինֆո