Փաստ ինֆո

Նիկոլ Փաշինյանը երեկ Արագածոտնի մարզի Ներքին Բազմաբերդ, Նոր Եդեսիա, Ուջան, Բյուրական, Կարբի և Օհանավան համայնքներում էր՝ հանդիպելու տեղի բնակիչներին։ Յուրաքանչյուր համայնքում վարչապետ Փաշինյանը հնչեցրել է տվյալ համայնքներից զոհված հայորդիների անունները, այցելել է զոհերի շիրիմներին և նրանց ընտանիքներին: Փաշինյանը մարզի բնակիչների հետ խոսելէ պատերազմի հետրևանքերի, երկրում ստեղծված վիճաի ու նախկինների մասին։

Փաշինյանը հայտարարեց, որ Հայաստանի ռազմավարական գործընկեր Ռուսաստանը Ղարաբաղյան վերջին պատերազմի ընթացքում ամբողջությամբ կատարել է իր դաշնակցային պարտավորությունները։

«Արդյո՞ք մեր ռազմավարական դաշնակիցը` Ռուսաստանի Դաշնությունը, այս պատերազմի ընթացքում կատարել է իր դաշնակցային պարտավորությունները։ Ես պետք է ասեմ առանց սեթևեթանքի` այո, միանշանակ և աներկբա։ Բայց այստեղ մի նրբություն կա, պարզապես մենք երկար ժամանակ տարբեր ձեվերով Ռուսաստանին վերագրել ենք դաշնակցային այնպիսի պարտավորություններ, որը ինքը իրականում չունի։ Սա շատ կարևոր նրբություն է», - ասել է կառավարության ղեկավարը։

Նրա խոսքով ՝ Ռուսաստանը, որպես պետություն, որպես ԽՍՀՄ–ի ողնաշար հանդիսացած պետություն պարտավորություններ ունի ինչպես Հայաստանի, այնպես էլ հետխորհրդային մյուս երկրների, այդ թվում ՝ Ադրբեջանի նկատմամբ:

«Մենք պետք է հասկանանք, որ Ռուսաստանը Հայաստանի ռազմավարական գործընկերն է, նաև բարեկամը, բայց Ադրբեջանի թշնամին չէ։ Եվ մենք պետք է հասկանանք, որ այդ դաշնակցային պարտավորությունները գծված են որոշակի սահմանի վրա», - ասել է Փաշինյանը։

Վարչապետը նաև նշեց, որ պետք է ներկայացնի Սյունիքի հետ կապված խնդիրը, որը ըստ իրեն շատ է շահարկման խնդիր դարձել․

«Երբ որ ակնհայտ էր, որ պատերազմի ռիսկի առաջ ենք կանգնած և պետք է այնպես անել, որ ՌԴ դաշնակցային պարտավորություններն ուժի մեջ լինեն, այն կետից, որից մեր զինվորը կանգնած է և որոշում եմ կայացրել, որը համոզված եմ ճիշտ է եղել, որովհետև հակառակը հնարավոր չէր։ Էս կռվում կանգնել ենք մինչև հնարավոր ամենավերջին վայրկյանը։ Կանգնեցրել ենք այն պահին, երբ իմաստ չկար։ Մենք խնդիր ունեինք մեր երեսուն հազար զինվորի առաջ մեր պարտքը կատարելու»։

Փաշինյանը նշեց, որ կան մարդիկլ, ովքեր պատերազմի թեման շահարկում են, ուստի պարտության պատասխանատվությունը իր վրա է վերցնում, որ ժողովուրդն իրեն պարտված չզգա։ Անդրադառնալով սպառազինության թեմային ՝ նա ասաց, որ Հայաստանը Ռուսաստանից Սու-30 ՍՄ կործանիչներ է գնել առանց հրթիռների:

«Մեզ մեղադրում են, թե ինչու բանակում ոչինչ չենք ունեցել, բա եկեք նայենք երեք տարի առաջ ինչեր չեք ունեցել։ Մեզ ասում են` ինչի եք ինքնաթիռ գնել։ Այո, մենք ինքնաթիռ ենք գնել, որոնք մայիսին են բերվել և այո, չենք հասցրել հրթիռները մինչև պատերազմը ձեռք բերել։ Բա ինքնաթիռները դուք ձեռք բերեիք, որ մենք էլ հասցնեինք հրթիռները ձեռք բերել։ 26 տարվա պետությունը ինչո՞ւ չուներ կործանիչ ավիացիա, մեկը կարա ինձ բացատրի։ Ոնցա կործանիչ դղյակներ ունեք Փարիզներում, Բադեն-Բադեններում, Հռոմներում,, կործանիչ հյուրանոցներ, կործանիչ հաշիվներ Շվեյցարական բանկերում։ Մեզ ասում են ինչո՞ւ ԱԹՍ-ներ ձեռք չեք բերել, երեք տարվա մեջ, բա ինչո՞ւ դուք ձեռք չեք բերել վեցը տարվա մեջ։ Ինչո՞ւ պիտի բանակում մեր զինվորը մայկա-տրուսիկի խնդիր ունենար, սապոկի, ուտելիքի, շորի խնդիր ունենանար», - ասել է Փաշինյանը։

Փաշինյանը նաև հայտնեց, որ պատերազմում հայկական կողմի՝ պաշտոնապես հաստատված զոհերի թիվը 3250 է, հստակեցրեց, որ խոսքը մահվան վկայականներով արձանագրված զոհերի մասին է։ Կառավարության ղեկավարը հայտնեց նաև, որ այս պահի դրությամբ 189 ընտանիք ԴՆԹ-թեստ է հանձնել և սպասում է պատասխանին։

Աղբյուր` Փաստինֆո