Փաստ ինֆո

ԲԴԽ-ի լիազորություններն ընդլայնող նախագիծը դիտարկվում է «դատարանները վերցնելու» ԱԺ փոխխոսնակի օրեր առաջ ցինիկաբար արտահայտած նպատակի համատեքստում։ ներքո։ Այս մասին լրագրողների հետ զրույցում ասաց իրավապաշտպան Ռուբեն Մելիքյանը։

Ըստ նրա՝ նախագիծը կոպտորեն խախտում է Սահմանադրությունը. «Ո՞վ է տեսել, որ դատավորը գործ քննի և ինչ-որ մի մարմին, թեկուզ ԲԴԽ-ն, ընթացքում որոշի, որ այդ գործը դատավորից վերցնում է։ Նման բան ուղղակի անպատկերացնելի է։ Սա արդարադատության իրականացման գործընթացի կոպտագույն խախտում է։ Դատարանը երբ սկսում է արդարադատության իրականացումը, պետք է ավարտի արդարադատության իրականացումը։ Արդարադատություն իրականացելիս բացառապես օրենքով պետք է առաջնորդվի դատարանը, չի կարող մեկ ուրիշ մարմին վերահսկել արդարադատության իրականացումը, քանի դեռ այն չի ավարտվել »,-հայտարարել է Մելիքյանը։

Իրավապաշտպանին վրդովեցրել էր նաեւ ընդդիմադիր պատգամավորների վարքագիծը՝ նշելով, որ իմքայլականներից որեւէ սպասելիք չունի։
«Որպես քաղաքացի պահանջ ունեմ ընդդիմադիր պատգամավորներից, որոնք փողկապները դրել, եկել են և ինչ-որ հարցեր են տալիս, դրա ժամանակն անցել է»,- նշել է նա՝ ավելացնելով. «Ամբողջ աշխարհում տեսնում ենք՝ մարդիկ վեր են կենում, ամբիոնը գրավում են և ասում են՝ չենք թողնում նիստ անեք։ Մարդկանց մեծ մասը դա է պահանջում, ոչ թե գալստուկով գան նստեն, ինչ-որ հարցեր տան և դրանով ինչ-որ գալչկաներ դնեն»։

Մանրամասները՝ տեսանյութում

Աղբյուր` Փաստինֆո