Փաստ ինֆո

Խորհրդարանում լրագրողների հետ զրույցում ԱԺ փոխխոսնակ Ալեն Սիմոնյանը հայտարարեց, որ Նիկոլ Փշինյանը լինելու է վարչապետի ժամանակավոր պաշտոնակատար, այն ընթացքում, երբ գնալու են ընտրությունների։ 

Անդրադառնալով Բաղրամյան պողոտայում ակցիաներին և այն հարցին, թե արդյոք պողոտան մինչև հունիսի 20-ը փակ է մնալու, Սիմոնյանը նշեց, որ ընդդիմությունը երազում է, որ ոստիկանները գործողություն անեն և իրենք փողոցից հեռանան։

«Մենք հասկանում ենք, որ ընդդիմությունը ցանկություն ունի որևիցե բախում հրահրի։ Իրենց պետք է, որ ոստիկանական գործողությունների ընթացքում ինչ-որ մեկի քթից արյուն գա, ինչ-որ մեկը վնասվի և իրենց դրա վրա հերթական ինչ-որ լարվածություն ստեղծեն։ Նման բան չի լինելու»,- այսպես արտահայտվեց ԱԺ փոխխոսնակը ՝ ընդդիմությանը վերբերող հարցին։

Նրա կարծիքով, փաստացի՝ 17 ուժերը փակուղում են գտնվում, որովհետև 20-30 հոգով երկու փողոց արգելափակած են պահում և հիմա
երազում են, որ ոստիկանությունը ինչ-որ գործողություն անի, և իրենք կարողանան դեմքը պահպանել և լքել այդ փողոցը։ Ըստ նրա, Հայրենիքի փրկության շարժումը ի սկզբանե դատապարտված է եղել անհաջողության:

«Նրանք դրա համար արել են գրեթե բոլոր հնարավոր բաները՝ սկսած շատ տարբեր լինելուց, վերջացրած իրենց թեկնածուով, իրենց մարտավարությամբ ու  ագրեսիայով: ՀՀ քաղաքացիներին իրենք չեն ճանաչում: ՀՀ քաղաքացիները ատելությունը մերժում են և չեն ընդունում»,- ասաց Սիմոնյանը:

Լրագրողները հետարքրքվեցին՝ «Բարգավաճ Հայաստանը» Հայրենիքի փրկության մաս կազմու՞մ է՝ հաշվի առնելով, որ ընդունել են արտահերթ ընտրությունների առաջարկը, Սիմոնյանն ասաց, որ ԲՀԿ-ն խորհրդարանական ընդդիմություն է և առանձին խաղացող:

«Վստահ եմ, որ իրենք իրենց որոշումները կայացնելիս նաև գիտակցում են այն, ինչ ես ասացի»,-նշեց Ալեն Սիմոնյանը:

Աղբյուր` Փաստինֆո