Փաստ ինֆո

Իշխանությունն առաջիկայում պատրաստվում է գնալ արտահերթ ընտրությունների։ Կառավարության նիստից հետո լրագրողների հետ զրույցում ասաց Շրջակա միջավայրի նախարար Ռոմանոս Պետրոսյանը։

«Այսօր, վաղը արդեն կարծում եմ, որոշումը կհրապարակվի օրվա հետ կապված»,-ասաց նա։ Հարցին՝ արդյոք որոշումը կախված է ԲՀԿ առաջնորդի և Վարչապետի հետ հանդիպումից, նախարարը չմեկնաբանեց, նայց վերահաստատեց՝ մեկ, երկու օրվա մեջ կունենան հստակ պատասխան՝ արտահերթ ընտրությունների անցկացման ժամկետների մասին, ինչը ենթադրում է մեխանիզմներ՝ սահմանադրական ճանապարհով հրաժարական և այլն։

Ռոմանոս Պետրոսյանը հիշեցրեց՝ խորհրդարանական և արտախորհրդարանական ընդդիմությունը մերժում էր արտահերթ ընտրություններով հանգուցալուծելու քաղաքական ճգնաժամը։

«Ինքը՝ ճգնաժամը մեր գնահատականներով չէր հանգուցալուծվում։ Նաև պետք է արձանագրենք, որ ընդդիմության փողոցային պայքարը որևէ էական նշանակություն չունեցավ ու հանրության կողմից չողջունվեց։Դա մեկնաբանում ենք նաև սակավաթիվ քաղաքական ակցիաներով, որոնք իրականացվում էին։ Մենք քաղաքական պրոցեսների բացառապես սահմանադրական ճանապարհով հանգուցալուծումը տեսնում ենք միայն արտահերթ ընտրությունների միջոցով»,- ասաց նախարարը։

Ռոմանոս Պետրոսյանը նշեց նաև, որ հանրային պահանջ՝ արտահերթ ընտրություններ կազմակերպելու մասին հանրությունը ընդդիմության մանդատով չհնչեցրեց։ Երկրում ծառացած քաղաքական ճգնաժամի հանգուցալուծումը տեսնում են բացառապես արտահերթ ընտրություններով՝ կարող է լինել մոտ ապագայում, կարող է լինել միջնաժամկետ կտրվածքով։

Պետրոսյանը նշեց, որ այս պահին այդ խորհրդակցություններն  են ընթանում։

Աղբյուր` Փաստինֆո