Փաստ ինֆո

ԼՀԿ-ն խորհրդարանում երրորդ ուժն է եւ արդեն մեկ ամսից ավելի է ջատագովում է, որ արտահերթ ընտրություններ անցկացվեն եւ գնացել է զիջումների իր բոլոր դրած նախապայմաններից:

«Հունվար ամսին եղել է հանդիպում վարչապետի իմ և ԲՀԿ ղեկավարի միջև: Հանիպմանը առաջարկվել է ստորագրել հուշագիր, որով մենք պարտավորվում ենք վարչապետի հրաժարականի պարագայում թեկնածու չառաջադրել վարչապետի հրաժարականի դեպքում, որից հետո խորհրդարանը կլուծարվի և կգնանք ընտրությունների: Այդ ժամանակ ընդդիմադիր դաշտում կար մեկ միասնական օրակարգ, որ պետք է ընտրենք անցումային վարչապետ: Մենք ասել ենք, որ հիմա այս պայմաններում մենք չենք տեսնում արտահերթ ընտրության հնարավորություն և հետևաբար նման հուշագիր չի ստորագրվի: Մենք ուզում ենք, որ դուք հրաժարական տաք և մենք կընտրենք անցումային վարչապետ»,- ասաց Էդմոն Մարուքյանը՝ արձանագրելով, որ անցումային վարչապետ առաջադրելու տարբերակը չի աշխատում, քանի որ վարչապետը հրաժարական չի տվել.

«Ճգնաժամը խորանում է: Որպեսզի ճգնաժամից դուրս գանք, ԼՀԿ-ն արեց զիջում, և ասաց, որ եթե ԳՇ խնդրից մի կողմ կքաշվեք, մենք պատրաստ ենք գնալ ձեր առաջարկած ճանապարհով և կնքել հուշագիր, որ մարդ չենք առաջադրի, որից հետո իշխանությունը կրկին չգնաց զիջման, ԳՇ հարցում գնաց մինչև վերջ»,- ասաց Մարուքյանը:

ԼՀԿ ղեկավար հիշեցրեց իրենց խմբակցության մեկ այլ հայտարարություն, որ երկրում ճգնաժամը լուծելու համար միակ լուծումը շարունակում է լինել արտահերթ ընտրությունների օրակարգը.

«ԼՀԿ-ն պաշտոնապես հայտարարեց,որ եթե մինչև հունիսի մեկը կազմակերպվեն արտահերթ ընտրություններ, ապա չի առաջադրի վարչապետի թեկնածու, որևէ ձևով չի խոչընդոտի, եթե անգամ ուրիշ ֆրակցիա առաջադրի, ապա չի ընտրի այդ թեկնածուին, միայն թե խորհրդարանը լուծարվի և գնանք ընտրությունների»,-ասաց Մարուքյանը:

ԼՀԿ ղեկավարը նաև հայտնեց, որ Նիկոլ Փաշինյանի հետ հանդիպման ժամանակ կրկին վերահաստատել է, որ հունիսի 1-ը իրենց վերջնաժամկետն է:

«Ինչու մինչև հունիսի մեկը, քանի որ եթե մինչև ապրիլի 6-ը վարչապետը հրաժարական տա, ապա ընտրությունները կանցկացվեն մինչև հունիսի 1-ը»,- պարզաբանեց Էդմոն Մարուքյանը:

Աղբյուր` Փաստինֆո