Փաստ ինֆո

Եթե իշխանության թվացյալ անմեղ հանրահավաքի ժամանակ օգտագործվեցին լծակներ և վարչական ռեսուրս, ապա առաջիկա հնարավոր ընտրությունների ընթացքում ուղղակի անարխիա կտիրի։ Այս մասին «Փաստինֆո»-ի եթերում ասել է ԱԺ անկախ պատգամավոր Սոֆյա Հովսեփյանը։

Նրա դիտարկմամբ՝ եթե գնում ենք այն տարբերակով, որտեղ իշխանությունը պահում է իր իշխանությունը՝ բոլոր լծակներով, ապա բացառվում է որ չլինեն ընտրակեղծիքներ, բացառվում է որ չլինեն ճնշումներ, և ճնշումների միջոցով վերարտադրում։

Նախկին իմքայլական պատգամավորի համոզմամբ՝ բացի ներքաղաքական լարված վիճակից, կուտակվում են նաև այլ խնդիրներ, որոնց ամենօրյա խորացումը կարող են անդառնալի հետևանքների բերել։ «Բերեցին հասցրեցին մի կետի, որ ընտրությունն անխուսափելի է դառնում, և հիմա պատրաստվում ենք ընտրությունների այն դեպքում, երբ այսօր պաշտպանության բյուջե է կրճատվում, այն դեպքում, երբ այսօր կրթության, գիտության և առողջապահության բյուջեներ են կրճատվում»,- նշել է Հովսեփյանը ու ավելացրել, որ այս վիճակում պատրաստվում ենք ընտրությունների, որտեղ պետության բյուջեից հսկայական գումարներ են հատկացնելու, երբ մեր պաշտպանական հենակետերը բոբիկ վիճակում են ու մենք ենք այսօր մեր ընկերներով վրաններից սկսած ամեն ինչ հասցնում։ «Ես՝ լինելով անկախ պատգամավոր, շարունակում եմ սահմանների ամրացման խնդիր լուծել, երբ դա կառավարության ուղղակի պարտականությունն է»,- ասել է պատգամավորը։

Մանրամասները՝ տեսանյութում։

Աղբյուր` Փաստինֆո