Փաստ ինֆո

Այսօր Համահայկական Հիմնադրամը գումարելու է Հոգաբարձուների խորհրդի իր հերթական նիստը ։ Հաստատելու են հիմնադրամի այս տարվա բյուջեն և քննարկման հիմնական առարկա է դառնալու կառավարությանը փոխանցած շուրջ 107 մլն դոլարը։ Այս մասին լրագրողների հետ զրույցում տեղեկացրեց «Հայաստան» համահայկական հիմնադրամի նախկին տնօրեն Արա Վարդանյանը:

«Կասկած չունեմ, որ շատ լուրջ կռիվ է լինելու հիմնարդամի աուդիտ իրականացնող միջազգային կազմակերպության և ֆինանսների նախարարի միջև։ Նախարարը պնդելու է, որ իր կողմից ներկայացված հաշվետվությունը բավական է, իսկ աուդիտն ասելու է, որ դա այդպես չէ։ Իրականության մեջ կառավարությունը չի կարող հաշվետվություն տալ, որովհետև ըստ տարածվող լուրերի՝ այդ գումարներից եղել են պարգևավճարների վճարներ ու կանխիկացումներ»։

Վարդանյանը տեղեկացրեց, որ հիմնադրամը միշտ անցել է միջազգային աուդիտ, սակայն այս անգամ աուդիտ իրականացնող կազմակրպությունը չի հաստատել ֆինանսների նախարարության կողմից հիմնադրամին ներկայացրած 107 միլիոնի հաշվետվությունը։ Ըստ Վարդանյանի՝ ֆինանսների նախարարությունը կարծես, ճիշտ տարբերակ չի գտնում հաշվետվություն տալու ծախսված գումարների դիմաց։ Վարդանյանը հիշեցրեց նաև համացանցում շրջանառվող լուրերը, թե գումարից 8-9 միլիոն դոլարը ուղղակիորեն կանխիկացվել է և ծախսվել իքս ապրանք գնելու համար՝ արդյունքում՝ ոչ այդ ապրանքը կա, ոչ գումարը։

Հայաստան» համահայկական հիմնադրամի նախկին տնօրենը մեկ անգամ չէ, որ բարձրաձանել է այս մասին, սակայն ոչ դատախազությունը, ոչ ԱԱԾ-ն գործ չեն հարուցել, ոչ ոք չի հարցաքննվել։

«Գումարը մսխողների ցանկում էր նախարարը, շիշ բռնողը, կառավարության նախկին աշխատակազմի ղեկավարը»։

Որպես լուծում Վարդանյանն առաջարկում է, որ նիստում պետք է որոշում ընդունվի այդ գումարը ամբողջությամբ հետ փոխանցեն հիմանադրամին։

«Ես կասկածում եմ, որ մարդիկ կլինեն հոգաբարձուների խորհրդի անդամների մեջ, որ կարող են պահանջը ներկայացնել, և այդ պահանջտը լեգիտիմ է։ Խոսքը ՀՀ պետական բյուջեի մասին է։ Թող գումարը հետ վերադարձնեն, իրենց յուրացրածները ինչ որ կերպ փակեն։ Այս իշխանությունը պետք է հասկանա, որ այդ կառույցն իրենք չեն ստեղծել»։

Վարդանյանը հիշեց, որ 3 տարի առաջ շինծու գործ էր հարուցվել իր դեմ ու ցանկանում էին փակել հիմնադրամը։ Վարդանյանն ասում է, նպատակը պարզ է՝ վարչապետի տիկնոջ բացված հիմնադրամ էին ցանկանում ուղղել Սփյուռքի գումարները։ Հիշեցրեց նաև Աննա Հակոբյանի առաջարկը՝ ստեղծելու համարկարգ, որով հաշվետու են լինելու բարերարների առջև, վերջիններս էլ տեղեկացված պետք է լինեն բոլոր ծախսված գումարների մասին։

«Ուզում եմ այսօր հայտարարել, որ Աննա Հակոբյանի ստեղծած և գլխավորած երկու հիմնադրամներից ցայսօր որևէ տեսակի հաշվետվություն չեն ներկայացրել, ավելին՝ Աննան դուրս է եկել հիմնադրամի նախագահի պաշտոնից և կարող ենք դրանով կրկին կասկածի տակ դնել իր երկու հիմանդրամի գործունեությունը։ Ինձ չգիտես ինչու թվում է, որ գումարների մեծ մասը մսխվել է ավելի շատ Աննայի անձնական կարիքները հոգալու համար»,- ասաց Վարդանյանը։

Հիշեցնենք, որ «Հայաստան» համահայկական հիմնադրամի նախկին տնօրեն Արա Վարդանյանը տեղեկացրել էր, որ առաջին անգամ հիմնադրամի նիստին չեն մասնակցելու տարբեր երկրներում գործող տեղական մարմինների ղեկավարները, որոնց անմիջական ջանքերի շնորհիվ տարիներ ի վեր հաջողվում էր գումարներ հավաքել։

Աղբյուր` Փաստինֆո