Փաստ ինֆո

Ասեմ, որ էս ընդդիմությունը աղքատ մեռնում ա։ Եթե աղքատ էլ չի՝ էշ ա, որովհետեւ շատ կարեւոր բան չի ջոկում։ Եթե ես լինեի քաղաքական ընդդիմություն՝ ես իմ պայքարը չէի սկսի, մինչեւ նվազագույնը 5 միլիոն դոլար չլիներ իմ տնօրինության ներքո։ Այո։ 5 միլիոն դոլար, որը նշանակում է՝ 50 աշխատողներ, փիարի մասնագետներ։ Այս մասին Վահրամ Սահակյանը գրում է ֆեյսբուքյան իր էջում:

«Միայն տեղեկատվական պատերազմի համար անհրաժեշտ է ամսեկան կես միլիոն դոլարի ծախս՝ Facebook եւ Instagram Ad-ի համար։ Ես կկարողանայի մեկ շաբաթում մեկ միլիոն մարդու ցուցադրել ամենաքիչը 20 տեսանյութ, բոլորն էլ թալանի մասին, ինչն էլ կատաղացնում ա ժողովրդին եւ պայքարի ա հանում։ Այդպիսով, երեք ամսում ծախելով մեկ ու կես միլիոն դոլար՝ հունիսի սկզբներին ես փողոց կհանեի 300.000 մարդ։

Ես հենց այնպես բաներ չեմ ասում եւ հնարված թվեր չեմ գրում։ Ես այդ գործով զբաղվում եմ, ավելին՝ ես գովազդի եւ փիարի մասնագետ եմ։, իհարկե՝ իմ թատերական գործում։

Հենց հիմա ես ստեղծեմ մի նյութ, որում ասվում ա՝ հավաքվեք էսինչ տեղը, ծախսեմ 200 դոլար՝ (մի օրվա համար)՝ 5000-8000 մարդ կգնա էդ տեղը։

Բայց էս անգրագետ ոչխարները դա էլ չգիտեն, փող չունեն, եթե անգամ ունենան՝ չեն կարողանա գործածել։

Արա, տգետ ընդդիմություններ՝ մի հատ կարդացեք գրածս։ Դուք ասում եք՝ իշխանությունները վարչական ռեսուրս են գործածում։ Բա դո՞ւք ինչու չեք գործածում։ Փող ճարեք, արա, փող։ Եթե խելք չունեք՝ գոնե փող պիտի ունենաք։ Ազգ, հայրենիք, պետություն, հող՝ նման կտեր չի ուտում էս ժողովուրդը։ Սրանց խաբելով, սիրաշահելով ու տփելով ա պետք ոտի հանել, այ անկարող ու խեղճ ոչխարներ…»,- գրել է նա

Աղբյուր` Փաստինֆո