Փաստ ինֆո

Մեծ Բրիտանիայի ոստիկանությունը նախնական հետաքննություն է սկսել Սիրիայի առաջին տիկին Ասմա Ասադի նկատմամբ, որին կասկածում են ահաբեկչության հրահրման մեջ, գրում է Sunday Times-ը:

«Մենք կարող ենք հաստատել, որ ոստիկանության ռազմական հանցագործությունների ստորաբաժանումը «...» 2020 թվականի հուլիսի 31-ին ստացել է դիմում՝ կապված շարունակվող սիրիական հակամարտության հետ: Դիմումը քննարկման փուլում է», - հայտարարել է ոստիկանության ներկայացուցիչը։

Ռազմական հանցագործությունների կասկածների պատճառով Ասմա Ասադին սպառնում է դատական հետապնդում եւ Բրիտանական քաղաքացիության կորցնում, նշում Է հրատարակությունը:

Նախնական հետաքննությունը սկսվել է այն բանից հետո, երբ Guernica 37 միջազգային փաստաբանական կոլեգիան «առաջին տիկնոջ իշխանության ապացույցներ է ուղարկել՝ իշխող դասին եւ սիրիացի զինվորականներին բաց աջակցության ցուցաբերման վերաբերյալ»:

Sunday Times-ը քիչ հավանական է համարում, որ Սիրիայի առաջին տիկինը կհայտնվի բրիտանական դատարանում, բացի այդ, պարզ չէ, թե արդյոք գործը կհասնի դատարան նրա բացակայությամբ: Սակայն չի բացառվում, որ Ինտերպոլը կարմիր քվեաթերթիկ կհրատարակի, որի պատճառով կինը չի կարողանա դուրս գալ Սիրիայի սահմաններից։

Ասմա Ասադը սիրիական ծագում ունեցող բրիտանուհի է, ծնվել և կյանքի մեծ մասն անցկացրել Է Լոնդոնում, որտեղ աշխատել է ներդրումային բանկում, մինչև 2000-ի ամուսնությունը: Միացյալ Թագավորության սահմանային գործակալությունը հաստատել է, որ նա նախկինի պես հանդիսանում է բրիտանահպատակ:

Աղբյուր` Փաստինֆո