Փաստ ինֆո

Ամեն ինչ արվել է, որ մենք ունենանք բարոյալքված հասարակություն և այժմ մենք կանգնած ենք պետականության կորստի առաջ։ Այս մասին հրավիրված մամուլի ասուլիսին ասաց սահմանադրագետ Գոհար Մելոյանը։

Սահմանադրագետի դիտարկմամբ՝ Մարալի կերպարը՝ գերեվարվելուց առաջ և հետո մեր երկրի հավաքական կերպարը կարող է լինել, որ ներկայացնում էր՝ ինչպիսին էինք ու ինչ ենք դառել։

Նրա խոսքով՝ Մարալի դեպքում մարդիկ կոնկրետ դեպքով հասկացան, թե ինչ էր նշանակում այն կործանիչ քարոզչությունը խաղաղասիրական, այն պացիֆիզմը, որ նրանք երեք տարի շարունակ փորձում էին համոզել այն դեպքում, երբ փորձագետները կուրծք էին ծեծում և պնդում, որ չի կարելի խաղաղասիրություն քարոզել առ այն ազգ, որն ուղղակի ձգտում և աշխատում է այն ուղղությամբ, որ դու ուղղակի գոյություն չունենաս։

Նրա խոսքով՝ չի կարելի հասարակության հոգեբանությունը խեղել և խաղաղասիրություն քարոզել դեպի այդ ազգը։ Մելոյանն ընդգծեց, որ խայտառակ կապիտուլյացիոն ակտից հետո մեր պետության օրակարգային խնդիրը եղել է գերիների հարցի լուծուևմը, գերիների շուտափույթ վերադարձի ապահովումը, անհայտ կորած հայրենակիցների հայտնաբերումը, թեկուզ՝ ոչ կենդանի վիճակում։ Ընդ որում՝ դա հայտարարության միակ, քիչ թե շատ բարենպաստ, հայամետ կետն էր։ Մելոյանի խոսքով՝ գերիների և և անհայտ կորածների հարցը իշխանության օրակարգում է հայտնվում, երբ նրանց աթոռին մի փոքր սպառնալիք է լինում։ Սահմանադրագետը նկատեց՝ երբ ընդդիմության կողմից որոշակի վտանգ են զգում, սկսում են շահարկումները, խաղաղում են հարազատների հույզերի վրա։

Աղբյուր` Փաստինֆո