Փաստ ինֆո

Ի՞նչ վստահություն ունենք, որ արտահոսքը նաև պայմանավորված չի եղել Աննա Վարդապետյանից հոգնելու հանգամանքով։ Այս մասին հրավիրված մամուլի ասուլիսին ասել է փաստաբան Ամրամ Մակինյանը։

Ինչպես արդեն տեղեկացրել ենք՝ մամուլում տեսանյութ է տարածվել՝ Փաշինյանի օգնական Աննա Վարդապետյանի կողմից է ՀՖՖ նախկին նախագահ Ռուբեն Հայրապետյանի և նրա որդու՝ Ռաֆիկ Հայրապետյանի նկատմամբ հարուցված քրեական գործերի նախաքննությանը միջամտելու վերաբերյալ։ Նշված հրապարակումները դատախազությունն ուղարկել է ԱԱԾ՝ նյութեր նախապատրաստելու։

Հայրապետյանների փաստաբան Ամրամ Մակինյանից հետաքրքրվեցինք՝ արդյո՞ք հնարավոր է, որ ԱԱԾ-ում քրեական գործը հարուցվի ոչ թե Վարդապետյանի կողմից միջամտության, այլ՝ արտահոսքի փաստի առթիվ, ինչին ի պատասխան Մակինյանն ասաց, որ ԱԱԾ-ն ինքն է որոշում իր քննության ուղղությունը՝ այդ մասով, իսկ արտահոսքի հետ կապված ինքն ունի որոշակի ենթադրություններ։

«Ի՞նչ վստահություն ունենք, որ արտահոսքը նաև պայմանավորված չի եղել Աննա Վարդապետյանից հոգնելով, որ հոգնում են մարդիկ Աննա Վարդապետյանից։ Աննա Վարդապետյանից իրոք կարելի է հոգնել, որովհետև մարդիկ հասկանում են, որ մի օր պատասխան են տալու»,- ասաց Մակինյանը։

Նա համոզմունք հայտնեց առ այն, որ այս դեպքը եզակի չէ և առիթ կունենանք այլ հնչեղ գործերով տեսնել մեղադրանքի որոշումներ, ցուցումներ, նամակներ, փաստաթղթեր։ Նրա դիտարկմամբ՝ խոսքը ծանր հանցանքների մասին, ԱԱԾ-ն պետք է բացատրի, թե ինչպես է դա եղել։

«Մեզ հետաքրքիր է, որ ԱԱԾ-ն իրավական գնահատականներ տա այս երկու պաշտոնատար անձանց գործողություններին առաջին հերթին, հետո բազմակողմանի օբյեկտիվ քննությամբ հասնի նրան, որ հասնի, թե այս կապն ով է ապահովել, Աննա Վարդապետյանին ով է ցուցում տվել»,- ասաց Մակինյանը։

Մանրամասները՝ տեսանյութում։

Աղբյուր` Փաստինֆո