Փաստ ինֆո

ՀՀ Պաշտպանության նախկին փոխնախարար Արտակ Զաքարյանի կարծիքով քաղաքական իրադարձությունների զարգացման մեջ նուրբ եզրագծեր կային, որոնք այդքան էլ չկարևորվեցին։ Ըստ Զաքարյանի՝ գլխավոր շտաբը հիմնավորված հայտարարեց, որ պահանջում է կառավարության հրաժարականը, իրադարձությունները սկսեցին զարգանալ մեկ անձի շուրջ, այնինչ՝ գլխավոր թեման հրաժարականի պահանջն էր։ 

«Պարզ է, որ Նիկոլը գնալու էր ԳՇ պետին հանելու ճանապարհով, որովհետև Նիկոլի ամբողջ խնդիրը իր տխրահռչակ և ողբերգական իշխանությունը պահելն է։ Ո՞ւմ համար է պահում ՝ ակնհայտ է, որ ՀՀ վիճակն ավելի կվատանա և օրհասկան դառնա։ Նա իր գործողություններով շեղեց հասարակության ուշադրությունը և ոչ ոք մինչև այսօր չի հարցնում՝ ինչո՞ւ ԳՇ-ն գնաց այդ քայլին»։

Զաքարյանը նկատեց՝ Գլխավոր Շտաբը չորս անգամ վերահաստատեց իր հայտարարությունը, իսկ երեկ վարչապետը ԳՇ գնաց ցուցադրական, քանի որ ոչ մի էական խնդիր՝ այդ թվում անվտանգության հարցը ևս չի քննարկվել։

«Նա ևս զինվորականներին չի հարցրել, թե ինչո՞ւ են պահանջում իր հրաժարականը, ի՞նչը այնպես չի արել, ի՞նչ իրավիճակում է երկիրը, բանակը։ Նիկոլին դա չի հետաքրքրում։ Գնաց մի հատ սահուն, սղլիկ, մեր պրոբլեմները աղավաղող լրագրողկաան տեքստ ասաց։ Հասարակության մի հատվածը ուղիղ հետևություն է արել, թե «տեսեք, Նիկոլի գլուխը քարերով չջարդեցին, ուրեմն լավ է»։ Բայց հարցրեք հանդիպմանը ներկա զինվորականանին՝ մինչև այսօր ասում են, որ կառավարության հրաժարականն են պահանջում»։

Զաքարյանը նշեց, որ Փաշինյանը խոշոր մանիպուլյատոր է, չէր գնացել երկրի խնդիրները քննարկելու ու եթե հանկարծ խնդիրներից խոսեին, հանդիպումը կվերածվեր վարչապետի հակապետական լինելու «բուկետի», բայց նա զինվորականներին թույլ չտվեց, որ կարծիք հայտնեն։

«Արարողակարգի մեջ ամենը թաքցրած փաթեթավորված ցույց տվեցին, ինքն էլ նախապես պատրաստված պլանավորված հրապարակեց ելույթը, բայց խնդիր կա և այն շատ մեծ է»,- եզրափակեց Զաքարյանը։

Աղբյուր` Փաստինֆո