Փաստ ինֆո

«Այս պահից սկսած՝ «Հայրենիքի փրկության շարժումը», դուք՝ բոլորդ, ստանձնում եք պատասխանատվություն Հայաստանում սահմանադրական կարգը վերականգնելու և պահպանելու համար»,-Բաղրամյան պողոտայում հրավիրված հանրահավաքին հայտարարեց շարժման համակարգող Իշխան Սաղաթելյանը, հիշեցնելով, որ երեկ շրջափակել էին խորհրդարանի մուտքերը, իսկ այսօր որոշ պատգամավորների հաջողվել է այլ մուտքերով խորհրդարան հասնել։

«Ոմանք տնտեսական մուտքով՝ այն մուտքով, որտեղով սոխ, սխտոր, կարտոֆիլ են տեղափոխում, այսօր որոշ ուսապարկեր այդ մուտքով տեղափոխեցին խորհրդարան։ Կամ այդ պատգամավորները ամեն օր հասարակաությունից թաքնվելով, վրդովմունքն ու զայրույթը տեսնելով և հաճախ նաև իրենց մաշկի վրա զգալով պատերի տակով փախի-փախի ման են գալու, կամ գալու են կանգնեն Հայաստանի կողքին։ Ունեն մեկ ընտրություն՝ կամ Նիկոլ, կամ Հայաստան»։

Սաղաթելյանը հայտնեց նաև, որ Նիկոլ Փաշինյանը և իր շուրջը հավաքված խմբակը ցանկանում են հայոց պետականությունը վերջնական տանել կործանման և դարձնել թուրքական վիլայեթ։

«Ես և իմ ընկերները մինչև վերջին շունչը այս չարիքի իշխանության դեմ պայքարելու ենք։ Հաշվի առնելով համգամանքը, որ վարչապետի աթոռին հայտնված դավաճանը շարունակական կերպով տապալում է երկրում սահմանադրական կարգը, յուրացնելով իշխանությունը։ Ես գտնում եմ, որ Հայաստանի Հանրապետության քաղաքացու բնական իրավունքն է դիմել նաև ծայրահեղ քայլերի և բարձրացնել ապստամբություն»,- հայտարարեց Իշխան Սաղաթելյանը, հավելելով, որ վճռական են ու փակ են պահելու խորհրդարանի մուտքը, հնարավորության դեպքում կփակեն նաև ԱԺ տնտեսական մուտքը։

Աղբյուր` Փաստինֆո