Փաստ ինֆո

«Դեռևս անցյալ շաբաթ, նախագահն ասել էր, որ չի ստորագրելու Օնիկ Գասպարյանի հեռացման հրամանը, ասել էր, որ հետ է վերադրաձնելու այն և խնդրի վիճարկման համար դիմելու է Սահմանադրական դատարան և այսօր դիմեց: Այն խոսակցությունները, թե Նիկոլ Փաշինյանի հրաժարականը պահանջելուց հետո, նա շարունակում է ստորագրել վարչապետի կողմից իրեն ուղարկված հրամանները, չի համապատասխանում իրականությունը: Այդպես ասողներին կխնդրեի բերեին գոնե մեկ օրինակ, երբ Փաշինյանի հեռացումը պահանջելուց հետո, Արմեն Սարգսյանը ստորագրել է նրա կողմից ուղարկված որևէ հրաման: Ավելին՝ Արմեն Սարգսյանը շարունակում է պահանջել Նիկոլ Փաշինյանի հրաժարականը»,- «Փաստինֆո»-ի հետ զրույցում ասել է քաղաքագետ Թևան Պողոսյանը՝ խոսելով ներքաղաքական կյանքի վերջին զարգացումների մասին:

Հիշեցնենք՝ այսօր վաղ առավոտյան հայտնի դարձավ, որ Հանրապետության նախագահ Արմեն Սարգսյանը չի դիմել Սահմանադրական դատարան՝ Օնիկ Գասպարյանին ԳՇ պետի պաշտոննից ազատելու Փաշինյանի ներկայացրած հրամանագի նախագծի սահմանադրականության հարցը պարզելու համար, նա բարձրացրել է միայն օրենքի սահմանադրականության հարցը։ «Հանրապետության նախագահն, առաջնորդվելով Սահմանադրության 169-րդ հոդվածի 1-ին մասի 4-րդ կետով, դիմում է ներկայացրել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի օրենքի՝ Սահմանադրությանը համապատասխանելու հարցը որոշելու խնդրանքով»,- նշված է Նախագահի աշխատակազմի տարածած հաղորդագրության մեջ։

Թևան Պողոսյանը հավելում է՝ երեկ նախագահի մամուլի բաժնի տարարածած հաղորդագրության առաջացրած թյուրըմբռնումը գալիս է հետևյալից՝ մարդիկ Արմեն Սարգսյանից ակնկալում էին լսել անձնապես Գլխավոր շտաբի պետ Օնիկ Գասպարյանի իրավական ակտի մասին, այն դեպքում, երբ նախագահը խոսել էր ոչ թե այդ, այլ «Զինվորական ծառայության և զինծառայողի կարգավիճակի մասին» օրենքի առնչությամբ. «Որպեսզի խնդրի վերաբերյալ առավել համակարգված մոտեցում ցուցաբերվի, նախագահը Սահմանադրական դատարան է դիմել, առաջնորդվելով՝ ոչ թե իրավական ակտով, այլ օրենքով: Չմոռանանք, որ անցած 2.5 տարիների ընթաքում մի քանի անգամ նման դեպքեր եղել են, որոնք, սակայն, այսպիսի դիտարկման չեն արժանացել: Որոշակի ճնշումների ազդեցոթւյամբ, մարդիկ ազատվել են զբաղեցրած պաշտոններից, բայց ոչ ոք ուշադրություն չի դարձրել այս խնդրին: Հիմա, այս հնարավորությամբ, հիմք ընդունելով Սահմանադրական դատարանի որոշումները, շատ մարդիկ կարող են վիճարկել իրենց խնդիրը՝ փորձելով վերականգնել ոտնահարված և խախտված իրավունքները: Ի վերջո, արժեքային դաշտում ժողովրդավարության մասին խոսելով պետք է հիշենք, որ դա բոլորովին էլ այն չէ, որ քո իրավունքները չեն ոտնահարվում, այլ այն, որ դու գտնում ես ճիշտ ուղին, իրավական ճանապարհով վերկանգնելու ոտնահարված իրավունքներդ»,- ասում է քաղաքագետը:

Վերջինս նաև լիահույս է՝ ինստիտուցիոնար ճանապարհով հարցն առաջ տանելու պարագայում, Սահմանադրական դատարանն, օրենքից ելնելով, կդադարեցնի ակտը:

Ինչ վերաբերում է ՀՀ-ում վարչապետ աշխատող անձի որդեգրած քաղաքականությանը, Թևան Պողոսյանը նկատում է՝ Նիկոլ Փաշինյանը պետք է լավ իմանա, որ մարդիկ պաշտոնում մնում կամ դուրս են գալիս ոչ թե իր կամ որևէ այլ մեկի «համարելով», այլ իրավական ակտով. «Եթե այդպես լիներ, ապա այսօր հանրապետության ճնշող մեծամասնությունը համարում է, որ նա վարչապետ չէ , և՞… Օնիկ Գասպարյանին պաշտոնից ազատելու համար, նախ և առաջ, իրավական ակտ է պետք, այսինքն, նա պետք է հայտարարություն ընդունի և ստորագրի այն: Քանի որ հանրապետության ճնշող մեծամասնությունն, արդեն տևական ժամանակ, անվստահություն է հայտնում գործող վարչապետին, ուրեմն, օրինակ ես, մինչև աչքովս չտեսնեմ այդ ստորագարված հայտարարութունը, չեմ համարում, թե Օնիկ Գասպարյանն, այլևս, հեռացված է Գլխավոր շաբի պետի պաշտոնից: Հետևաբար, նրա կողմից այսօր տարածած այն հայտարարությունը, թե ՀՀ ԶՈՒ գլխավոր շտաբի պետ Օնիկ Գասպարյանն իրավունքի ուժով համարվում է ազատված զբաղեցրած պաշտոնից, առ ոչինչ է»,- ասում է Թևան Պողոսյանը:

Անդրադառնալով երկրի ներսում ստեղծված լարված ներքաղաքական իրավիճակին և դրա հնարավոր հանգուցալուծմանը, քաղաքագետը նկատում է՝ ամեն ժամ սպասում է վարչապետ աշխատող անձի հրաժարականին: Ըստ վերջինիս, լավ կլիներ, իհարկե, մինչ ընտրությունների գնալը հակաճգնաժամային ժամանակավոր կառավարույթուն ստեղծվեր, որը երկիրը դուրս կհաներ այդ վիճակից, որից հետո, միայն, ընտրություններ կկազմակերպվեր, սակայն, այս պահի դրությամբ, ամենաառաջնային և կարևոր հարցը, ըստ Թևան Պողոսանի, մնում է գործող վարչապետի անարյուն և անցնցում հեռացումը: Նիկոլ Փաշինյանը պետք է հասկանա, որ իր հրաժարականն, այլևս անխուսափելի է և կարողանա ուժ գտնի իր մեջ՝ հեռանալու առանց երկիրը նոր ցնցումների մեջ գցելու, ամփոփելով զրույցն, ասում է քաղաքագետը:

Հեղինակ՝ Նվարդ Մանվելյան

Աղբյուր` Փաստինֆո