Փաստ ինֆո

Պարոնայք սպաներ, ԱԱԾ, ոստիկանության և քննչական մարմինների ծառայողներ, պետք է ծառայել պետությանը և իրավունքին, ոչ թե ինչ-որ անձի։ ԱԱԾ-ն և քննչական մարմինները վերածվել են ֆեյք բռնողի և սատանա փնտրողի։ Պատերազմի օրերին փոխանակ զբաղվեն երկրի ներքին անվտանգության հարցերով, տասը հոգանոց քննչական խումբ են հավաքում և սկսում են ֆեյք ման գալ և չեն գտնում։ Այս մասին հայտարարեց ՀՀ ԱԺ աշխատակազմի նախկին ղեկավար Արա Սաղաթելյանը։

«Ո՞վ է իրավունք տվել այդ տկարին պատերազմի օրերին ՝ «Ալֆան» հանել Երևանից ու տանել Արցախ։ «Ալֆան» բարձրունք վերցնո՞ղ է, հիմար։ Բա որ այդ ժամանակ Հանրապետության ներսում մի խնդիր առաջանար, ինչո՞վ էիր դա լուծելու, քո «իմքայլական» փսլնքոտներով»,- ասաց Սաղաթելյանը՝ ընդգծելով, որ ոչինչ չի մոռացվելու և բոլորը, որոնք ծառայում են ընդդեմ ժողովրդավարության , ընդդեմ իրավական պետության, պատասխան են տալու և այդ պատասխանի ետևից լինելու են եկողներ, որոնցից մեկն ինքն է լինելու և այդ ժամանակ թող չփորձի որևէ մեկն ասել, որ ընտանիք է պահում, ծառայություն է կատարում, նման բաներ չեն ընդունվելու։

Նրա խոսքով՝ սպայի պատիվն անձի ետևից փսլիքները սրբելը չէ, պարտավոր են ծառայել ժողովրդին ու ՀՀ-ին, ոչ թե՝ մի ծաղրածուի, որը Հանրապետությունը և ուժային կառույցները վերածել է խաղալիքի։
Մանրամասները՝ տեսանյութում

Աղբյուր` Փաստինֆո