Փաստ ինֆո

Հիմա մենք տեր չունենք, Հայաստանն անտեր երկիր է, միայն ունենք անվտանգության երաշխավոր՝ ի դեմս Ռուսաստանի, ինչի համար շնորհակալ ենք նրան: Այս մասին «Փաստինֆո»-ի հետ զրույցում ասաց ԱԺ պատգամավոր Գևորգ Պետրոսյանը՝ անդրադառնալով Կապանում ադրբեջանցի զինվորականների շրջագայությանը։ 

Հիշեցնենք, որ նախօրեին համացանցում տեսանյութ է տարածվել, ըստ որի ադրբեջանցիները հայկական պետհամարանիշով մեքենաներով շրջել են Սյունիքի մարզկենտրոն Կապանում, կատարել տեսանկարահանումներ։ ԱԱԾ-ն հաստատել էր ադրբեջանցիների այցը՝ նշելով, որ դա տեղի է ունեցել մեկ ամիս առաջ։ տեսանկարահանումը կատարվել են Կապան համայնքի Սյունիք-Ճակատեն բնակավայրերի հատվածում մեկ ամիս առաջ կազմակերպված սահմանապահների եռակողմ աշխատանքային հանդիպմանը մասնակցելու նպատակով այնտեղ գտնվող ադրբեջանցի զինծառայողները՝ ռուս սահմանապահների ուղեկցությամբ և նախապես համաձայնեցված երթևեկության ընթացքում։
Անդրադառնալով տեսանյութին, հաստատել էր, որ, իրոք, ադրբեջանցիները եղել են Կապանում` նշելով, որ տեսանյութը նկարվել է մեկ ամիս առաջ` սահմանապահների եռակողմ աշխատանքային հանդիպմանը ռուս խաղաղապահների ուղեկցությամբ մասնակցած ադրբեջանցի զինծառայողների կողմից:
Ըստ պատգամավորի՝ երկրում ստեղծված անվտանգային հիմնական մեղավորը Նիկոլ Փաշինյանն է.
«Այս ամենի հիմնական մեղավորն իրեն գերագույն հրամանատար հռչակած Նիկոլ Փաշինյանն է: Թող հայտարարի համազգային զորահավաք, գնանք, նորից դիմակայենք, բայց ինքը պարապ նստած, զբաղված է քաղաքացիներին, ընդդիմախոսներին սպառնալով»,-ասաց Պետրոսյանը:
Պատգամավորը ընդգծեց, որ ԱԱԾ-ն իր ամբողջ ուժերը պետք է կենտրոնացնի մեր արտաքին անվտանգության ուղղությամբ, այլ ոչ թե ներքին ժողովրդական շարժումները ճնշելու, մադկանց ձերբակալելու ուղղությամբ.
«Այսօր Փաշինյանը մեր ուժային կառույցների 80 %-ը կենտրոնացրել է իր պաշտոնը պահպանելու համար, ուրիշ որևէ խնդիր չեն լուծում»,-արձանագրում է պատգամավորը:

Գևորգ Պետրոսյանը նաև նշեց, որ սահմանին առկա անվտանգային իրավիճակը նաև ԱԱԾ-ի թերի աշխատանքի և թույլ հսկողության արդյունք է.
«Թուրքը մտնում է Կապան, մեքենա է վարում հայկական համարով, նկարահանումներ անում, ազատ շրջում, սա նշանակում է ԱԱԾ-ի գործունեության մեջ թերացումներ կան:Սա ԱԱԾ-ի թույլ հսկողության հետևանք է, նույն հաջողությամբ, ադրբեջանցին, որ մտնում է Սյունիք, առևտուր անում, կարող է վաճառողին գնդակահարել և մնալ անպատիժ, իսկ Փաշինյանը նման բաները մոռանալով՝ ընկել է ժողովրդին հաթաթա տալու հետևից»,-ասաց պատգամավորը՝ հավելելով,որ ոչ մի պետական պաշտոնյա Հայաստանի պետականությանը այնքան վնաս չի տվել, որքան Նիկոլ Փաշինյանը:
Գևորգ Պետրոսյանը կարևորեց, որ բոլոր ուժային կառույցները իրենց ուժերը կենտրոնացնեն՝ երկիրը այս իրավիճակից դուրս բերելու ուղղությամբ.
«Եթե մենք մի քիչ էլ հապաղենք, պետություն ենք կորցնելու: »,-ասաց Պետրոսյանը:
Պատգամավորի կարծիքով, այսօր Հայաստանում ապրելն այդքան էլ անվտանգ չէ.
«Թուրքը արդեն Հայաստանում է, իսկ դա անվտանգ վիճակ չէ: Ինչպե՞ս կարող եմ անվտանգ համարել, երբ Ալիևն ամեն օր մի սպառնալիք է հնչեցնում, իսկ Փաշինյանը, փոխանակ հակադարձի, շարունակ փչացնում է հարաբերությունները մեր միակ ռազմավարական գործընկերոջ՝ Ռուսաստանի հետ, աննորմալ գաղափարներով: Ինքը չի պահում իրեն որպես ժողովրդի անվտանգության երաշխավոր, բնականաբար, վտանգ կա և դրա համար պահանջում ենք Փաշինյանի հրաժարականը»,-ասաց Պետրոսյանը՝ ընդգծելով, որ նրա մեկ օր ավել մնալը երկրի անվտանգության համար լուրջ սպառնալիք
Պատգամավորը բացառեց, որ հակառակորդը երբևէ հայ զինվորականին թույլ կտա մտնել իր տարածք և հանգիստ շրջել.
«Հայկական կողմը թույլ է տալիս, քանի որ վարչապետը սրտացավ չէ երկրի անվտանգության համար:
Ինչպես է, որ մեկ ժամում կարողանում է հրահանգ տալ, որ դիպուկահարները պաշարեն ԱԺ-ն, ինքնաձիգերը պահեն ժողովրդի վրա, ապահովեն իր անվտանգությունը, իսկ պետության անվտանգությունը բարձիթողի վիճակում է»,-եզրափակեց Գևորգ Պետրոսյանը:

Աղբյուր` Փաստինֆո